Գլխավոր Էջ

Այսօրվա հոդվածը

ՇՈԿՈԼԱԴ՝ ԵՐԿՆԱՅԻՆԸ ԵՐԿՐԻ ՎՐԱ. ՀԱԶԱՐԱՎՈՐ ՏԱՐԻՆԵՐ ԱՌԱՋ ՀԵՆՑ ԱՅՍՊԻՍԻ ՀԱՎԱՏԱԼԻՔՆԵՐ ՈՒՆԵԻՆ ՄԱՅԱՆԵՐԸ ՇՈԿՈԼԱԴԻ ՀԱՆԴԵՊ,ՈՐԻՆ ԵՐԿՐՊԱԳՈՒՄ ԷԻՆ: ԱՅՍՕՐ ԱՅՆ ՈՉ ՊԱԿԱՍ ՊԱՇՏԱՄՈՒՆՔԱՅԻՆ է՝ ԱՐԴԵՆ ՆԱԵՎ ՆՈՐԱՁԵՎՈՒԹՅԱՆ ՄԵՋ ԵՎ ԲԻԶՆԵՍՈՒՄ, ԳԻՏՈՒԹՅԱՆ ՄԵՋ ԵՎ ԱՐՎԵՍՏՈՒՄ ՈՒ ՆՈՒՅՆԻՍԿ՝ ՍԵՔՍՈՒՄ

Մ.թ.7-րդ դարում Մայաների քաղաքակրթությունը շարունակում էր ծաղկում ապրել, ի հայտ էին գալիս նորանոր բուրգ-դդյակներ ու հոյակերտ տաճարներ, որոնցում հաճախ երկրպագվում էր նաև կակաոյի աստվածը: Ավելին, կակաոն համարվում էր ծառերին աճող հարստություն, որի աստվածային պտուղներին վերագրվում էին ամեն տեսակ բուժիչ և նույնիսկ միստիկական հատկություններ: Այդ հավատալիքներից, թե «շոկոլադի» նկատմամբ ունեցած թուլությունից ելնելով՝ դեռևս Մոնտեսումա ցեղապետն իր ոսկյա բաժակով օրական մոտ 5 անգամ իրեն թույլ էր տալիս երկրի երեսին վայելել երկնայինը՝ «չոկոլատ» ըմպելիքը: Եվ բացառված չէ, որ նա և մյուս առաջնորդները հաստատ կդատապարտեին այն եվրոպացիների տգիտությունը, ովքեր՝ վախենալով շոկոլադի վնասակարությունից, պետք է զրկեին իրենց այն վայելելու հաճույքից:

մանրամասն...

Շաբաթվա ականավոր հայը

Հովհաննես Բաղրամյան (1897-1982), ԽՍՀՄ նշանավոր զորահրամանատար, պաշտպանության փոխնախարար, մարշալ: Հայրենական Պատերազմի գլխավոր հրամանատարներից մեկն էր։ ԽՍՀՄ կրկնակի հերոս էր, պարգևատրվել է նաև Լենինի, Հոկտեմբերյան հեղափոխության, Կարմիր դրոշի III, Սուվորովի II և Կուտուզովի շքանշաններով:

մանրամասն...

Շաբաթվա ընդհանուր գործը

Հրավիրում ենք ձեզ մասնակցել Եվրոմիության մասին հոդվածի խմբագրման գործին։

Նորություններ

• 
  C++ ի Հիմունքները գիրքը հանդիսանում է առաջին հայալեզու C++ ծրագրավորման լեզու ուսուցանող գիրք, որը առանձնահատուկ է իր պարզությամբ և չի պահանջում ինչ-որ այլ ծրագրավորման լեզուների իմացություն: Գրքում ներկայացված են լեզվի հիմնական գաղափարները, տերմինների անգլերեն ներկայացումները, ինչպես նաև օրինակների փորձարկման համար անհրաժեշտ ծրագրերի օգտագործման եղանակները:
  Գրքի հետ ծանոթանալու կամ նրա էլեկտրոնային տարբերակը ձեռք բերելու համար այցելեք գրքի պաշտոնական կայքը՝ www.pocpp.org:

Գիտե՞ք դուք արդյոք...

• 
  Մինչ հասարակությունը կհասցներ նորմալ ծանոթանալ IT տեխնոլոգիաների վերջին ճիչ հանդիսացող երկմիջուկային պրոցեսորներով համակարգիչների հետ, Intel ընկերությունը հանրության ուշադրությանը ներկայացրեց 80 միջուկանոց պրոցեսորով աշխատող պրոտոտիպը՝ Tera-Scale Teraflop Prototype: Այս նոր չիպը, որը պատրաստված է Intel Tera-Scale ծրագրի շրջանակներում, իվիճակի է վայրկյանում կատարել 1 տրիլիոն մաթեմատիկական գործողություն (1 Տեռաֆլոպս)՝ ծախսելով ընդհամենը 62 Վտ հոսանք: Դեռ 10 տարի առաջ այսպիսի գործունակության հասնելու համար անհրաժեշտ կլինեին 10000 Pentium Pro պրոցեսորներ՝ յուրաքանչյուրն 200 ՄՀց տակտային հաճախականությամբ, որոնց ընդհանուր հոսանքի ծախսը կհասներ 500 կՎտ-ի: Ստացվում է էլեկտրաէներգիայի և աշխատանքային տարածության էկոնոմիա:
  Ցուցադրված մոդելն աշխատում է 3.16 ԳՀց հաճախականությամբ, իսկ միջուկների միջև տվյալների փոփոխությունը կազմում է 1.62 ՏԲիտ/վ: Այս նոր տեխնոլոգիայում, որի հիման վրա պատրաստված է պրոտոտիիպը, տարբեր հետաքրքիր բաներ են սպասվում: Օրինակ՝ հնարավոր է, որ միջուկներից յուրաքանչյուրը հնարավոր լինի անջատել, կամ տեղափոխել հանգստի ռեժիմի, ինչով հնարավոր կլինի ղեկավարել արտադրողականությունն ու էլեկտրաէներգիայի ծախսը:

• 
  Չնայած այն փաստին, որ Windows Vista-ն կոշտ սկավառակի վրա զբաղեցնում է ավելի շատ տեղ, քան նրա նախորդը (հաշված, որ օպերացիոն համակարգը համակարգչի նաեւ մյուս ռեսուրսների մեծ «ախորժակ» էլ ունի), այն հիմա կարելի է տեղադրել աշխարհի ամենափոքր համակարգչի վրա, այն է՝ OQO model 02, որի քաշը ընդամենը 450 գ. Է, իսկ չափերը՝ 14.6x8.38x2.54 սմ: Այն հեշտությամբ տեղավորվում է գրպանում: