El Moxhon d' Ônea (gazete)
Èn årtike di Wikipedia.
El moxhon d' ônea (ça si scrijheut El Mouchon d' aunia), c' est ene rivowe e walon askepieye al Lovire e 1912 pa Floribert Deprêtre, Léopold Dupuis, Charles Malissart et Hubert Outlet. L' idêye, c' esteut do mostrer a sacwants intelos ki djåzént l' walon k' on pout scrire e walon et trover des lijheus assez po cmincî ene gazete, pu ene rivowe ki vudive tos les troes moes.
Cwand i parexhe, on dit k' i xhufele (come li Viye Sprewe, dabôrd k' el Bourdon zûne)
E 2004, il s' a-st adjondou å Bourdon, tot wårdant s' tite.
Li no provént di ciste alomåcion tipike la do sizet al Lovire.
