ቀልዶች

From Wikipedia

ይዞታ

1 እሳት የማያጠፋው ውሀ፡
2 ቀበጡዋ እመቤት
3 ሁለቱ እብዶች
4 የእብድ አናጺ

[ለማስተካከል] እሳት የማያጠፋው ውሀ፡

ሰውየው ዳብዳቤ በመጻፍ ላይ ሳለ፡ ሠራተኛው በሩን በርግዳ ትገባና "ጌታዬ፡ ማድቤቱ በእሳት ተያይዟል" ትለዋልች። ባለቤትየው ገስግሶ እማድቤቱ ሲደርስም መለስተኛ እሳትና ምድጃው ላይ ተጥዶ የሚንከተከተውን ድስት ሙሉ ውሃ ያያል። በዚህ ጊዜ ተናዶ "አንች ደደብ፡ ወደኔ ከመምጣት ይልቅ የሚፍለቀለቀውን ውሃ አታፈሽበትም ኖሯል?" በማለት ቢገስጻት "ጌታዬ ውሃው'ኮ የፈላ ስለሆነ አያጠፋውም ብዬ ነው" ብላ አሳቀችው።

[ለማስተካከል] ቀበጡዋ እመቤት

እመቤቲቱ የባለቤታቸው ጦር ሜዳ መቆየት አላስችል ይላቸውና ከአንዱ ባሪያቸው ጋር የቀበጣሉ። እንዳየደርስ የለም ባል ሳይጠበቁ ከች ይላሉ። ሚስጥራቸው እንዳይወጣ ያሰቡት ሚስትም ስራተኛቸውን ባፋጣኝ ወደባሪያቸው እንዲህ ብለው ይልካሉ 'ባለፈው የተፈጠረውን ነገር ለማነም እንዳትናገር'። ሰራተኛየቱም ብዙ ስዎች ይሰሩበት ወደነበር እርሻ ሄዳ አፋፉ ላይ ትቆምና ስሙን ጠርታ 'እመቤቴ የባለፈውን ነገር ለማንም እንዳትናገር ብለውሃል'ትለዋለች። እሱም መለስ ያደርግና 'ምንም ችግር የለም እኔ ምኔ ሞኝ ነው እመቤቴን በ*ሁ ብዬ የማወራው' ብሎዋት እርፍ። ተፈጸመ

[ለማስተካከል] ሁለቱ እብዶች

ሁለት እብዶች ከአማኑኤል ሆስፒታል ዘበኛውን አታልለው ለማምለጥ ይመካከራሉ። በምክራቸው መሰረት ወደመግቢያው ሲያመሩ ዘበኛው በአካባቢው የለም። በመጥፋት ፋንታ እቅዳቸው እንደተበላሸ በማሰብ ወደነበሩበት ተመለሱ።

[ለማስተካከል] የእብድ አናጺ

አማኑኤል ሆስፒታል ውስጥ አንዱ እብድ ፎቶ ግድግዳ ላይ ለመስቀል ፈልጎ ሚስማሩን ገልብጦ በመዶሻ ግድግዳው ላይ ለመምታት ይታገላል:: አንድ ሌላ እብድ ባጠገቡ ሲያልፍ ያየውና በሳቅ ይሞታል:: ይሄኛው እብድ ምን ያስቅሃል ይለዋል; እሱም ዝም ብለህ ትለፋለህ የያዝከው ሚስማር እኮ የተሰራው ለዛኛው ግድግዳ ነው ብሎ የሚስማሩ ጫፍ ውደሚያሳይበት ግድግዳ አሳየው::

Retrieved from "http://am.wikipedia.org../../../%E1%89%80/%E1%88%8D/%E1%8B%B6/%E1%89%80%E1%88%8D%E1%8B%B6%E1%89%BD.html"

መደብ: መዝናናት