Asia Zentral
De Biquipedia
Asia Zentral ye una rechión d'Asia que abraca las tierras d'entre o Mar Caspio e l'ueste de China.
Os territorios que s'encluyen per un regular en ista rechión son:
- buena parte de Kasajistán,
- Usbekistán,
- Turkmenistán (u Turcomanistán),
- Kirguisistán (u Kirguisia),
- e Tadyikistán.
Á ormino tamién se i encluyen:
- os países d'a Transcaucasia, més que més Azerbayán,
- parte d'o N d' Irán, Afganistán e Pakistán,
- parte d'o S de Siberia,
- Mongolia,
- o Xinjiang e o Tibet, á l'ueste de a Republica Popular de China.
A rechión se carauteriza per estar un punto de trobata de chens e enfluyenzias plegatas d'Irán, India e China, sobre tot per a que se conox como rota d'a seda. A luenga e cultura de buena parte d'os territorios ye turcomongol (menos entre os tadyikos e os tibetanos), per o que parte d'ista rechión tamién se conox con o nombre de Turkestán. A relichión mayoritaria ye o islam (menos en Mongolia e o Tibet). Os autuals Estatos independiens de Kasajstán, Usbekistán, Turkmenistán, Kirguisistán e Tadyikistán son o resultato d'a disgregazión d'as antigas republicas autonomas d'a Unión Sobietica.
