Bandera d'Aragón
De Biquipedia
A Bandera d'Aragón ye a tradizional d'os Reis d'Aragón, que yera d'antis más emplegata nomás por o Rei, como esprisión d'a suya soberanía. Esiste decumentazión que preba que ista estió usata dende os tiempos d'Alifonso II, estando unibersalmén conoxita como «d'Aragón».
Son elementos comuns d'a Bandera y o Escudo os «palos de gules» u «barras d'Aragón», elemento istorico común d'as autuales cuatro comunidaz autonomas que estioron integratas en a Corona d'Aragón. Tamién son encluyitas en o Escudo d'España.
D'alcuerdo con o dito en l'Articlo 3 d'o Establimiento d'Autonomía, a Bandera d'Aragón ye a tradizional d'as cuatro barras royas orizontals sobre fundo amariello.
A Lai 2, de 16 d'abril de 1984, d'a Comunidá Autonoma d'Aragón regula l'uso d'a Bandera y o Escudo d'a rechión.
Dende ya fa años, se fa serbir atro siñal ta reibindicar a independenzia d'Aragón, que ye o siñal d'as 4 barras, conchuntamén con a estrela roya en meyo, a Estrelada aragonesa.
