Biarn
De Biquipedia
 (Bandera de Biarn) |
|
 |
|
| O Biarn en l'Oczitania. |
O Biarn ye una rechión y probinzia istorica de Franzia, en Gascuña. A capital ye Pau (dende 1270, antis yera Morlas).
A zona estió poblata por os iberos en o sieglo V aC. As tribus iberas de Biarn yeran clamatas Venarni.
Os romanas ban arribar o 51 aC. As billas que esistiban en Biarn yeran Iluro y Beneharnum que estioron combertitas en ziudaz romanas. Dimpués de formar parti d'a probinzia d'Aquitania en o sieglo III se ba creyar a de Novempopulania
Bénéharnum (Lescar) y Iluro (Oloron) quedoron libres de presenzia romana á finals d'o sieglo III u o sieglo IV y as mugas defensibas s'establioron en o río Ador
En o sieglo V o país estió embadito por os pueblos barbaros, espezialmén por os bisigodos en 412. Gubernoron dica o 507. Biarn formó parti d'o reino d'os Francos pero mas tardi estió ocupato por os bascons dentrando asinas á formar parti d'a Wasconia (d'on Gasconia = Gascunya). En o sieglo IX o país estió allerato por os normandos. En iste mesmo sieglo se creyó o Bizcondau de Biarn que estió independién y abió moneda propia.
O bizcondau encluyo en o bizcondau d'Oloron (por matrimonio) y o bizcondau d'Orte por conquista. As bals d'Ossau, Bal d'Aspe y Baretons yeran parti d'o bizcondau. Cal destacar os Fueros otorgatos por Gastón IV (Fuero cheneral, y Fueros particulars). En 1290 se chunió con o condau de Foix. O 1362 Gastón Febus ganó a baralla de Launac contra o conde d'Armañac. O 1442 a baralla de Mesplède remató a guerra d'as cien añadas y un exerzito franzès espulló Biarn. O 1485 Biarn pasó á los Albret de Nabarra. O 1522 os españols, en luita contra Enrique II de Nabarra, embadioron Biarn. O 1569 se produzioron luitas de carauter relichioso en o Biarn. En 1589 Enrique de Nabarra, rei de Franzia, encluyó Biarn en a corona franzesa fendo-se l'anesión formal por edito d'o 20 d'otubre de 1620. En 1790 o Biarn se combirtió en o departamento de Baxos Perinés que en 1970 paso á estar Perinés Atlanticos.
