Disierto d'o Sajara
De Biquipedia
O disierto d'o Sajara u disierto d'o Sahara, ye o disierto más gran d'o mundo (tien más de 9.065.000 km²), ye localizato en o norte d'Africa y tien más de 2,5 millons d'añadas. O suyo nome deriba d'o arabe sahara صحراء traduzión d'a parabra Tuareg de Tenere (disierto).
Iste disierto truxa muga con cuasi toz os países d'o norte d'Africa, predominán de cultura arabe. As dunas prenzipian amán de l'Alto Atlas y s'estendillan dica redoladas tropicals más á lo sur. En as faldas de l'Atlas Marroquí (Alto Atlas), nomás bi ha bechetazión unos metros más allá d'o curso d'os pobres ríos. Sin dembargo, ista tien una berdor intensa que concara con l'arena redolán. Agundan as palmeras de dátils. Toz os oasis son escanaus, ta guaranziar l'augua en todas as redoladas de siembra. Muitas begadas, l'augua no prozede de ríos, sino d'auguas soterranias á las que se azede por meyo d'un pozo.
En Marruecos, s'ofrexen á lo biachero barias formas de conoxer o Sajara. Talmén a más común siga la d'alfonsar-se en o disierto con beíclos 4x4 trescruzando as dunas. Atra forma más toristica ye muntando dromedarios , y por suposau, a forma tradizional ye ir a piet.
Sobre er s'han filmau infinidá de binzas y reportaches. Como Lawrence d'Arabia.
