Federazión
De Biquipedia
Una federazión (d'o latín fœdus, "paute") ye un Estato independién formato por barias rechions autonomes, libres y soberanas, (asobén clamatas "estatos"), unitas por un gubierno zentral ("federal"). En una federazión, o estatus autonomo d'os estatos ye reconoxito por una constituzión propia y no puede estar alterato por una dezisión unilateral d'o gubierno zentral. As federazions á ormino se forman por alcuerdo entre os estatos soberanos, anque cheneralmén no'n tienen o dreito á la sezesión de traza unilateral.
Contenius |
[Editar] Constituzió politica
A forma de gubierno u a estrutura constituzional d'a federazión se clama federalismo. Iste sistema de gubierno dibide o poder constituzionalmén entre l'autoridá zentral y as unidaz politicas (estatos u probinzias) parzialmén autonomas. Istos dos rans de gubierno son independiens, pero comparten a soberania.
A soberania d'os estatos miembros d'una federazió no es ilimitata, ya que zeden ziertos poders economicos y dreitos á lo gubierno zentral; perdiendo prenzipalmén o poder de controlar os afers y as relazions con os países foranos de traza autonoma, asinas como lo suyo estatus internazional como entidá politica independién, anque bi'n ha d'eszeuzions.
Á esferenzia d'atros estatos con dibisions territorials autonomes como os estatos rechionals, os estatos que forman una federazión zedioron belas atribuzions politicas ta la federazió, mientres que en os estatos rechionals ye o gubierno zentral quí zede belas atribuzions ta las rechions autonomes y conserba o dreito á retirar-las. O gubierno federal, por tanto, no'n tiene o dreito á interbenir, de traza unilateral, en o gubierno d'as entidaz que forman a federazión. Manimenos, bi'n ha d'eszeuzions como ye o caso d'a federazión d'Archentina o gubierno federal d'a cuala ha interbenito en dibersas probinzias.
[Editar] Formazión istorica d'as federazions
Istoricamén, belas federazions han surtito d'un alcuerdo entre estatos deseparatos u rezién independiens ta resolber problemas mutuos, ta dar esfensa mutua, u por custions economicas, como ha estato lo caso d'os Estatos Unitos, Suiza, Canadá y Australia.
Una begata que os estatos han dezidito ingresar u formar parti d'una federazión, o dreito á la sezesión ha estato istoricamén un tema controbertito, que ha ocasionato grabes guerras zebils, como estió lo caso d'os Estatos Confederatos d'America en os Estatos Unitos, u de Texas y a Republica de Yucatán en Mexico.
[Editar] Forma de gubierno d'as federazions
O federalismo pueder surtir aintro d'una monarquía constituzional, como Canadá u Australia, u aintre d'un gubierno republicán, como os Estatos Unitos, Alemaña u Mexico (un conzeuto que ye conoxito como republica federal).
[Editar] Se beiga tamién
- Confederazión
- Estato rechional
- Estato unitario
- Formas de gubierno
