Ferrando de Magallans
De Biquipedia
|
||||||||||||
Ferrando de Magallans (en portugués Fernão de Magalhães) estió un nabegán portugués naxito en Porto lo 1480 y muerto en Mactán, as Filipinas, o 1521.
Bibió los suyos primers años en a corte de Portugal, pero lo suyo afán d'abenturas li fazió embarcar-se ta o Luengo Orién, an as fautorías portuguesas abían una época d'esplendor en as suyas relazions con os territorios que autualmén forman Malaisia, Indonesia y as Filipinas.
O 20 de setiembre de 1519 marchó dende o puerto de Sanlúcar de Barrameda en Cádiz ta dar a buelta á lo mundo. En 1520 estió lo primer nabegán que trescruzo lo estreito que dende allora lebó lo suyo nombre, o estreito de Magallans, á lo sur d'a tierra d'o fuego. Tamién baltizó á l'ozián Pazifico con ixe nombre debito a que yera muito más quedo que l'anterior ozián por cualo eban nabegato, l'Atlantico.
Magallans nunca no tornó ta España, por o que no dió a buelta á lo mundo. Morió en Filipinas en una baralla con una tribu de natibos. Dende ixe inte Juan Sebastián Elcano prenió lo mando d'a espedizión y tornó ta España atra begada, estando lo primer ombre en dar una buelta á lo mundo.
