Lonchitú
De Biquipedia
A lonchitú ye a distanzia angular, medita paralelamén á lo plan d'o Ecuador terrestre, entre o Meridián de Greenwich y un determinato punto d'a Tierra.
Esisten varias trazas de espresar a lonchitú:
- entre -180 y 180 º, estando positiba ta l'este u negatiba ta l'ueste (ye dizir, dende 0° en o Meridián de Greenwich dica +180° á l'este u dica −180° a l'ueste).
- entre 0 y 180° adibiendo a letra E si ye á l'este de Greenwich y W si ye á l'ueste.
- entre 0 y 360° meditos siempre á l'este de Greenwich.
Por exemplo, a lonchitú d'a ziudá de Moscú puede espresar-se como +37°37′56", 37°37′56″E u 37°37′56″ ya que se i troba á l'este de Greenwich. A lonchitú de Nueba York puede espresar-se como -74°00′00", 74°00′00" W u 286°00′00" ya que se i troba á l'ueste de Greenwich.
