Marco Polo
De Biquipedia
|
||||||||||||
Marco Polo (c.1254-1324) naxió en Benezia, y estió lo más famoso d'os biachers d'a Rota d'a Seda.
O pai de Marco Polo y o suyo tío ya eban reyalizato biaches á Asia antis d'o suyo naximiento. Marco Polo teneba 6 añadas cuan o suyo pai y o suyo tío tornoron a marchar ta l'este en o suyo primer biache á China. Cuan tornoron á Benezia, Marco Polo ya teneba 15 añadas y la suya mai eba muerto.
Á la fin d'o 1271, reculloron baliosos regalos d'o nuebo Papa Gregorio X con o enacargo de lebar-los á lo Gran Khan de China. Asinas, cuan Marco Polo teneba 17 añadas, marchó de Benezia cono suyo pai y o suyo tío ta l'este. Trescruzoron Armenia, Persia y Afganistán ta plegar á China, recorriendo toda la Rota d'a Seda. A tornada la reyalizó por o mar de China dica Hormuz, an continó lo suyo biache por tierra dica Benezia.
Cuan plegó estió feito preso por as autoridaz chenobesas, y mientres estió en a garchola, ditó a un escribién profesional as suyas abenturas. Muitas d'as seves oserbazions son precises y comprebables y grazias á er, Ozidén abió conoximiento d'aqueras tierras luengas.
Asinas, a suya obra Os biaches de Marco Polo estió, mientres muitas añadas a referenzia. Cristofo Colombo estió apasionato leutor d'iste libro.
Estudeos zentificos reziens dizen que os biaches y as istories decumentatas en o libro Os biaches de Marco Polo son falsos. Istos estudeos s'emparan que talmén Marco Polo plegó á China -anque ye poco prebable- pero que ye totalmén falso que se reunió con os monarcas d'aquers países. Una d'as mayors pruebas ye que describe a indumentària de l'alta soziedá chinesa como una mezcla entre as bestimentas chenobesas y turcas, an sí que bi estió una larga temporada.
