San Chuan de Busa
De Biquipedia
A ilesia de San Chuan de Busa u San Chuan Bautista de Busa se i troba en a redolada de Sarrablo, en o monezipio de Biescas, á lo canto d'o camín que puya dende Olibán ta o lugar de Larrede (monezipio de Samianigo)
Probablemén estió a ilesia parroquial d'un lugar meyebal güé desaparexito. Feita construyir por Ramón Guillén entre 1060 y 1070, ye d'estilo mozarabe u romanico-lombardo como a resta d'ilesias d'a colla de Sarrablo.
No'n tiene torre campanar y a buelta de l'abside no estió rematata. A suya unica nau reutangular ye zarrata por un tellau de fusta á dos auguas.
Sobre a puerta d'a ilesia bi ha una inscrizión en carauters cuficos que dize la ilaha illa Allah, en arabe No bi'n ha (atro) dios que Dios.
Ye Monimento Istorico-Artistico dende 1982.
