Soziedá
De Biquipedia
A soziedá ye o conchunto de presonas que truxan fins, trestuques y costumbres, y que interautúan entre sí establiendo una comunidá. Tamién ye una entidá poblazional u abitat, que repleca os abitantes y a suya redolada, tot er interrelacionado con un proyeuto común, que lis da una identidá de pertocancia. Antimás senifica una colla con lazos economicos, ideolochicos y puliticos y supera al conzeuto de nazión-estau, serba la soziedá ozidental como una soziedá de nazions, ezetra. Todas istas sociedaz son l'oxeto d'estudio d'as zenzias soziales, en espezial d'a soziolochía, antropolochía, ecolochía, ezetra. Istas distintas roldes no pueden estar conzeuzions abstrautas, tienen que tener una representazión en un meyo, cheneralmén o territorio, y un alto grau d'aizión sozial conchunta, en atro caso no pueden estar oxeto d'una metodolochía con metodos soziolochicos ta o suyo analís y serban parti d'o conoximiento filosofico, teolochico y atros sabers no empiricos. Antimás d'os abitans, a redolada y o proyeuto sozietario, pueden adibir-se atras categorías a la definizión de soziedá seguntes l'especialidá d'o proyeuto u d'o suyo grau de desembolique, isto será a teunoloxía adubida en os meyos de produzión, dende una soziedá primitiba con simpla teunolochía espezializada de cazataires -mui poquet manefizios-, dica una soziedá muderna con complexa teunolochía -muitos manefizios-, prauticamen en todas as especialidaz. Istos estadios de zebilizazión encluyirán l'estilo de bida y o suyo ran de calidá, asinas que será simplo y de baxa calidá contimparatiba en a soziedá primitina y complexo u sofisticato con altera calidá comparatibamen en a soziedá industrial. A calidá de bida comparatibamen ye controbertiu pos tien aspeutos suschetibos en os termíns de como ye recullida por os suchetos. No podemos saber cuanto disgraziaus se sentían os ombres preistoricos por no aprestar de telebisión.
Tamién se clama soziedá u ligallo a la rolde de presonas ta la reyalización d'autibidás pribadas, cheneralmén comerzials. A os suyos miembros li'n clama sozios.
