Ziudá d'o Motor d'Alcañiz
De Biquipedia
A Ziudá d'o Motor d'Alcañiz ye un complexo adedicato á lo motor que será construyito amán d'Alcañiz (Tergüel) antis de l'año 2008.
Con una amplaria de 350 etarias, más gran que a ziudá d'Alcañiz, ye dibidita en tres zercuitos: un zercuito de karting, atro de tierra y o más importán, o zercuito de belozidá. Tamién bi abrá un parque teunolochico de 21 etarias ta rechiras y prebatinas de materials d'os fabricans de beíclos y un zentro comerzial.
Contenius |
[Editar] Zercuito de belozidá
| Localizazión | Alcañiz (Tergüel) |
|---|---|
 |
|
| Largaria | 5.345 metros |
| Curbas | 18/14 |
O proyeuto ye estando desembolicato por l'alemán Hermann Tilke, o millor diseñador de zercuitos d'o mundo. As prenzipals carauteristicas d'o zercuito de belozidá son:
- Largaria total: 5.345 m.
- Dreita más larga: 1.726 m.
- Amplaria d'o zercuito: 12 m.
- Dreita de surtida: 630 m.
- Numero de curbas: 18 (zercuito 1) u 14 (zercuito 2)
- Masima puyada: 5,4%
- Masima baxada: 7,2%
- Superfizie paddock: 33.700 m2
O sentiu ye contrario á las agullas d'o reloch. Antimás ye enamplable a 10 km. ta pruebas de resistenzia y ye adautato á la orografía d'o Baxo Aragón, ista ye una carauteristica de todo zercuito diseñato por Tilke qui intenta adautar-ne á lo terreno d'a redolada.
O zercuito será emologato en a categoría 1T d'a Federazión Internazional d'Automobilismo (Premite entrenamientos de Formula 1) y en as categorías 2, 3 y 4 y Grau A Grand Prix d'a Federazión Internazional de Motoziclismo.
[Editar] Zercuito de karting
| Localizazión | Alcañiz (Tergüel) |
|---|---|
 |
|
| Largaria | 2.049 metros |
| Curbas | 19 |
Diseñato por Jaime Nogué, será emologato ta competizions internazionals. As prenzipals carauteristicas d'o zercuito de karting son:
- Largaria total: 2.049 m.
- Largaria zercuto emologato: 1.671,633 m.
- Amplaria d'o zercuito: 10 m. - 15,75 m.
- Dreita de surtida: 993,74 m.
- Numero de curbas: 9 á cuchas y 10 á dreitas
- Masima puyada: 3,25%
- Masima baxada: 4,5%
- Superfizie paddock: 200 plazas de 8 x 6
Iste zercuito puede apologar-se u alcorzar-se seguntes a competizion que se zelebre.
[Editar] Zercuito de tierra
Ocupara una superfizie de 34 etarias. En iste zercuito se zelebraran competizions d'autocross, motocross, rallycross, dirt-track y 4x4.
[Editar] Antezedens
Alcañiz tien una larga tradizión y trayeutoria automobilistica, o primer Premio Ziudá d'Alcañiz estió zelebrato en l'añada 1965 en o zercuito urbán Guadalope. A ziudá tamién aculle o Rally de Tierra d'Alcañiz, o cualo forma parti d'o Campionato d'España de rallies.
