Mehriban Əliyeva
Vikipediya, açıq ensiklopediya - ویکیپدیا ، آچیق انسایکلوپدیا
Mehriban Arif qızı Əliyeva (a.o. 1964, Bakı) Milli Məclis deputatı, Azərbaycan Respublikası prezidenti İlham Əliyevin həyat yoldaşı, UNESCO-nun xoşməramlı səfiri, bir sıra xeyriyyə və mədəni təşkilatların sədridir.
Mündəricat |
[redaktə / تحریر] Həyatı
Mehriban Əliyeva (qızlıqda Paşayeva) alimlər ailəsində anadan olub. Atası Arif Paşayev fizika-riyaziyyat elmlər doktoru və Bakıdakı Milli Aviasiya Akademiyasının rektorudur. Anası Aida İmanquliyeva (†1992) görkəmli filoloq və ərəbşünas idi. 1982-ci ildə, Mehriban Əliyeva Bakı şəh. 23 saylı orta məktəbini qızıl medal ilə bitirdi. Bir neçə aydan sonra o, Azərbaycan Tibb Universitetinə qəbul edilib daha sonra təhsilini Seçenov adına Moskva Tibb Akademiyasında davam etdirdi və oranı 1988-ci ildə qırmızı diplom ilə bitirdi.
[redaktə / تحریر] Fəaliyyəti
1988-1992-ci illərdə Mehriban Əliyeva Moskvada akademik Mixail Krasnovun rəhbərliyi altında Göz Xəstəlikləri Elmi-tədqiqat İnstitutunda işləmişdir. 1995-ci ildə o, Azərbaycan Mədəniyyətinin Dostları xeyriyyə fondunu yaradıb ona başçılıq etdi. 1996-da azəricə, ingiliscə və rusca çap olunan Azərbaycan İrs mədəniyyət və tarix jurnalını təsis edib onun redaktoru oldu.
2002-də Mehriban Əliyeva Azərbaycan Gimnastika Federasiyasının prezidenti seçildi. Onun fəaliyyəti Beynəlxalq Gimnastika Federasiyasının 2005 ilin Dünya bədii gimnastika yarışının Azərbaycanda keçirmək qərarıyla nəticələndi. 2004-də o, Heydər Əliyevin siyasi əqidəsini tədqiq edən Heydər Əliyev Fondunu təsis etdi. 2004-də, Əliyeva folklor və musiqi ənənələrini təbliğat etməsinə görə UNESCO-nun xoşməramlı səfiri adına layiq görülmüşdür.[1] Həmin il o, Azərbaycan Milli Olimpiya Komitəsinin İcra Komitəsinə üzv seçilmişdir. 2005-də keçirilən sorğunun nəticəsinə əsasən o, İlin qadını tituluna layiq görüldü. Həmçinin o, Yüzilliyin mesenatları Beynəlxalq xeyriyyə fondu tərəfindən ona təltif edilən Yaqut Xaç Ordeninin ilk qadın kavaleridir.
2004-cü ildə, Mehriban Əliyeva Yeni Azərbaycan Partiyasının üzvü oldu. 2005-ci ilin parlament seçkilərində o, Milli Məclisə deputat seçildi.
[redaktə / تحریر] Ailəsi
Mehriban Əliyeva İlham Əliyev ilə 1984-cü ildə evləndi. Onların üç övladı var: qızları Leyla və Arzu, və oğlu Heydər.
[redaktə / تحریر] İstinadlar
- ↑ Mehriban Əliyeva UNESCO-nun Xoşməramlı səfiridir. Bizim əsr. №36, 2004
