El Filibusterismo

Desde Chavacano de Zamboanga Wikipedia - El Libre Enciclopedia

EL Filibusterismo es el segundo novela de José P. Rizal y es el continuacion del su novela Noli Me Tangere. Si Rizal ya empeza escribi con este novela del Octubre de año 1887 y mientras ele ta practica con su profesion de medicina na Calamba. Na Londres del año (1888), ele ya hace maga cuantos cambios con este novela particularmente na estructura y na maga capitulo. Duespes, si Rizal ya continua escribi mas de maga capitulo na Paris y Madrid. El manuscrito del novela ya acaba del 29 de Marso del año 1891 na Biarritz.

[edit] Resumen

El libro ta trata sobre con el llegada del primera personaje del novela Noli Me Tangere, Crisóstomo Ibarra, como el rico y famoso Simoun Jeweler. Desilusionado na maga abuso del maga Español, si Ibarra ya desecha pacifismo y ya volve na Filipinas para principia revolucion violente. Si Basilió, de Noli me Tangere, ya ayuda con Ibarra detonar un bomba na un reunion na pueblo. Este situacion amo el principio del revolucion. No obstante, si Basilio ya puede nota con Isagani como un amigo de conspiracion. Despues de un alerto estaba con su amor que na edificio, si Isagani ya lleva con el bomba na rio, ya detona con el explocion y ya hace para con el revolucion. Si Simon, despues, ya toma veneno y ya hace fin del su vida junto con el un padre florentino quien ya oi con su confesion ya asegura con ele que el esperanza es no perdido. Despues del muerte de Simoun, el padre ya tira con el maga joya na mar con esperanza que tiene dia hay puede encontra con estos que hay servi buen intencion.

[edit] Importancia

El maga escolar y historiador ta interpretá con el novela como un alegoría del lucha interno (dilema mental) que ta apadecé Si Rizal con su esperanza de ganar pacificamente el independencia Filipino. Algunos ya habla que el estilo y contenido de esté naración amo ta representá el debate entre el maga opuesto parte del mismo naración. Mucho maga critico ta cré que el muerte de Simoun y el quema di Padre Florentino ta afirmá el creencia del autor como un aspiración pacífico para independencia del país.