Español Na Filipinas
Desde Chavacano de Zamboanga Wikipedia - El Libre Enciclopedia
El Español es un lenguaje que significante na historia y cultura del Filipinas. Este lenguaje percivido negativo como lenguaje del maga elitista Filipino mas con el Ingles (como el Ingles, un lenguaje que tiene valor practical de cada dia na entero pais). El Español ya termina como oficial lenguaje de las Filipinas del año 1973 y ya termina tambien como incluyido na curiculum del maga colegio del ano 1987.
Asegun con el censo del 1990, tiene mas o menos 2,658 hablantes Espanol y mas o menos 292,630 Chabacano (creole) hablantes na entero nacion de Filipinas. Tiene miles de maga palabras que hay puede encontra na maga 170 lenguajes de Filipinas, a cerca 13 milion documentos escribido na Espanol na maga archivo de las Filipinas. El maga corte de ley hasta ahora ta conoce siempre con este maga documento escribido na Español. Mucho ta cree cay el Espanol como un vivo lenguaje hende mas hay tarda na sociedad Filipino. Mientras tanto, principiando del año 2005, ta subi el interes del maga Filipino otra vez con este lenguaje porcausa de la necesidad con el lenguaje Español na maga o como se llama "call centers."
[edit] Historia
[edit] Na Tiempo Del Maga Español
Ya introduci con el lenguaje Español na Filipinas cuando el conquistador Miguel Lopez De Legazpi ya pincipia con el fundacion del establicemiento del maga Español na isla de Cebu del año 1565. El Filipinas es un teritorio de España por 333 años (1565-1898).
Masquen pa no hay hace fuerza el maga Español con el maga Filipino manda aprende con este lenguaje, aquel tiempo tiene 10 por ciento del entero populacion maga Español hablantes. El Español el solamente lenguaje del maga minoria Español y maga mestizos, y el segunda mas importante lenguaje del maga nativos ilustrados. El posicion del Iglesia Romano Catolico na Filipinas aquel maga tiempo amo que hay enseña y dale sermon el maga padre usando tambien el maga nativo lenguaje del maga Filipinos. Entonces, ya tiene aquel clase de maga nativo Filipinos quien ya aprende lenguaje Español por medio como maga traductor del maga padre. Uno de este maga nativos amo el poetico Gaspar Aquino de Belen quien ya produci un poema, el Pasion, na Tagalog usando maga escripto Romano. El Pasion es un poema que ta dale historia asegun el pasion, muerte y resureccion del Jesu Cristo. Y despues el maga balada Español de valor como El Corrido, usando como modelo del mucho pa maga clase de literatura que ya produci el maga nativo Filipino. Uno de este el comedia, un clase de narativo de verso popular na maga local lenguaje y entre maga mayoria nativos ignorante na lenguaje Español.
Categoria: Lenguaje de Filipinas
