Interlingua
Desde Chavacano de Zamboanga Wikipedia - El Libre Enciclopedia
Tiene dos articial lenguaje na igual nombre como se llama el Interlingua. Por el primero, el Interlingua de Peano, muy conocido como se llama el Latin sine Flexone, que esta maga tiempo no hay mas maga hablantes. El otro, el Interlingua IALA, el asunto del de este articulo.
El vocabulario del Esperanto estaba con el maga lenguaje Romanico, Aleman, y de maga Slavo, pero el maga palabra deformao y tiene maga nuevo inventao palabra. El vocabulario del Interlingua estaba tambien con este maga lenguaje Romanico y Ingles y un poquito Aleman y Russo buscando un comon raiz estaba con el lenguaje Latin. Amo siempre ya pasa con el gramatica que tiene influencia majoria desde'l lenguaje Ingles simplificado.
Esencialmente, el Interlingua es un "factor comon" del todo maga lenguaje de Eurpoa. El gramatico y vocabulario del Interlingua ya complete en año 1951 despues de biente años cuando ya prinsipia el mga estudio y trabajo del IALA, abreviatura del como se llama na Ingles , International Association of the Auxiliary Language. Si Alexander Gode el primero quien ya prinsipia con este trabajo. Ele ya publica un gramatico detaliado, un diccionario Interlingua-Ingles y un libro de intriduccion na Interlingua: el "Interlingua a Prime Vista".
El Interlingua es diferente na otro maga lenguaje artificial como este lenguaje facil y de repente ay puede entende - masquen no estudio - de todo maga hablante del maga lenguaje Romanico y maga creolo como el Chavacano y tambien majoria el maga Anglófonos. Entonces, el Interlingua es un artificial languaje que mucho gente hablantes na entero mundo como estimao que el maga lenguaje Romanico (Español, Frances, Portuges, Italiano, etc.) tiene mas o menos 1,000 milliones de hablantes y un adicion con este el maga creolo hablantes tambien como el Chavacano.
El Interlingua mucho maga hablantes entre maga nacion como Estados Unidos, Brazil, El Nederland, Rusia, Italia, Francia, Poland, Bulgaria y especialmente, na maga nacion de Escandanavia como el Sweden, Denmark, Norway y el Finland. Tiena maga pagina na Internet dedicao con el Interlingua. Este lenguaje tambien ta usa na Ciencia, como este ta facilita el cambio de maga data entre mga cientifico de maga otro nacionales.
Ahoramiente, el Interlingua es un vivo lenguaje que ta continua queda grande y ta continua adapta con el maga cambio y advanco del maga sociedad. Na mas mucho tiempo, el su nuevo vocabulario ta cambia con el su viejo vocabulario que estaba na Latin, el clasico na original version de Gode con el mas moderno vocabulario de Romanico. Por ejemplo, el palabra "por emer" (na Ingles: to buy) es cambiao con el palabra "comprar" (Español: comprar).
[edit] Ejemplo de Interlingua:El Padre Nuestro
- Nostre Patre, qui es in le celos,
- que tu nomine sia sanctificate;
- que tu regno veni;
- que tu voluntate sia facite
- super le terra como etiam in le celo.
- Da nos hodie nostre pan quotidian,
- e pardona a nos nostre debitas
- como nos pardona a nostre debitores,
- e non duce nos in tentation,
- sed libera nos del mal.
[edit] Maga Enlace Externo
- Union Mundial Por Interlingua (En Interlingua)
- Generador de Textos Interlingua Al Azar
