Алексеев Владислав Алексеевич

Wikipediaри материал

Алексеев Владислав Алексеевич, — публицист. 1999 çултанпа Чăваш çыравçисен пěрлешěвěнче тăрать. Техника ăслăлăхěсен кандидачě (1979), пěтěм тěнчери информатизаци академиěн член-корреспонденчě. Раççěйěн экологи академиěн тěп членě.

[тӳрлет] Пурнăçě

1946 çулхи çу уйăхěн 24 Чăваш Енěн Елěк районěнчи Çулавăç ялěнче çуралнă. 1965 çулта Шупашкарти энерготехникума пěтернě, 1971 çулта — Чăваш патшалăх университетне. 1977 çулта В. И. Ленин ячěллě Пěтěм союзăн электротехника институчě çумěнчи асперантурăна пěтернě.

Шупашкарти пир-авăр комбиначěнче, Шупашкарти трактор валли запас пайěсем тăвакан заводра электрик пулса ěçленě. Пěтěм союзри тěпчекен, проект, констркутор тата технологи институчěнче инженер-тěпчевçě тата аслă ăслăлăх ěçченě пулса ěçленě. «Лада» коммерципе производство фирминче тěп тиректăрěн çумě, Раççей Федераци президент администрациěнче эксперт-специалист вырăнěнче пулнă. Çавăн пекех акционерсемпе укçа хуракансен прависен халăх комитечěнче председателě, Патшалăх шучěнче тăман пенси фончěн филиалěн пуçлăхě пулнă.

Владислав Алексеев Демократиллě Чăваш Ен юхăмăн председатель çумě, «Альтернатива» суйлакансен прависене хӳтелекен пěрлешěвне туса хуракан.