Васильев Иван Васильевич
Wikipediaри материал
Васильев Иван Васильевич, — пĕрремĕш чăваш профессионал юрăçи. 1882 çулхи ака уйăхĕн 4 халĕ Тутарстанăн Теччĕ районне кĕрекен Чăваш Чураппан ялĕнче çуралнă. 1974 çулта çĕре кĕнĕ. Сасси - баритон.
Иван Васильевич Васильева 1957 çулта Чăваш АССР тава тивĕçлĕ вĕрентекенĕ ята панă.
[тӳрлет] Пурнăçĕ
Иван Васильевич Чĕмпĕр чăваш шкулĕнче вĕреннĕ, 1901 çулта Хусанта вак халăхсен учитель семинарине пĕтернĕ. Юрă ăс-талăхне Пермь музыка училищинче туптанă, каярах Питĕр хулинче - И.П. Прянишников тата И.С.Томарс патĕнче. 1938-1940 çулсенче Мускаври музыкăпа педагогика институтĕнче вĕреннĕ. Чăваш кĕвĕçисен юррисене концертсенче, радиопа анлă сарнă. Шупашкарти музыка училищин преподавателĕ пулнă.
