Марсель
Wikipediaри материал
Марсель (фр. Marseille) — Францин пысăк хули, порчĕ, Буш-дю-Рон департаменчĕн администраци тĕпĕ.
[тӳрлет] Географи
Хула Рона шывĕ Вăтамçĕр тинĕсе юхса кĕнĕ çĕрте вырнаçнă. 1990 çулта хулара тата тулашĕсенче 1,3 млн. çын пурăннă. Хулара Тĕнче аэропорчĕ, метрополитен, Университет пур. Порт витĕр 90 млн. тонна ытла япала куçараççĕ. Хулара нефть тата нефтехими завочĕсем ĕçлеççĕ, пăрахут-карапсем тата самолетсем тăваççĕ. Кунта Страсбург тата Карлсруэ (Германи) енелле куçармалли Европăн нефть пăрăхĕ пуçланать. Археологи, ӳнер ăсталăх ĕçĕсен, Гробе-Лабадье, Кантини, авалхи Марсель, Антик сутă-илӳ музейĕсем ĕçлеççĕ.
[тӳрлет] Истори
Марселе пирĕн эрăччен 600 çулта никĕсленĕ. Ун чухне вăл Массили ятлă пулнă.
