Осипов Пётр Николаевич

Wikipediaри материал

Пётр Николаевич Осипов, — чăваш драматургĕ, çыравçи. Медицина ăçлăлăхĕсен кандидачĕ. 1900 çулхи кăрлачăн 27-мĕшĕнче Чăваш Енĕн Куславкка районĕнчи Кутемер ялĕнче çуралнă. 1987 çулхи пуш уйăхĕн 18-мĕшĕнче Шупашкарта вилнĕ.

1934 çултанпа СССР ÇП членĕ.

[тӳрлет] Пурнăçĕ

Унăн пултарулăх çулĕ Хусанта пуçланнă. Кунтах вăл гимназире тата кĕвĕ училищинче вĕреннĕ. Çавăн пекех вăл Хусанти патшалăх университечĕн медицина факультетĕнче вĕреннĕ.

Граждан вăрçине хутшăннă. «Чухăнсен сасси» хаçатра ĕçленĕ. Чăваш драма театрĕн никĕслевçисенчен пĕри. Унтах вылянă.

Чăваш Ене килсен унта тĕрлĕ сывлăха сыхлакан сферăра тĕрлĕ вырăнта ĕçленĕ. 1948 çулта Чăваш АССРĕн сывлăха сыхлакан Министерствин министрĕ вырăнне лартнă.

Унăн пултарулăх çулĕ Хусанта пуçланнă. Кунтах вăл гимназире тата кĕвĕ училищинче вĕреннĕ. Кунтах Хусанти Чăваш театăрне пуçарса яракансенчен пĕри пулнă, унтах вылянă. 1918 çулта вăл Хусанти патшалăх университечĕн медицина факультетне вĕренме кĕнĕ, анчах та унăн граждан вăрçине хутшăнма тивнĕ. Фронтра вăл Чухăнсен сасси» хаçатра ĕçленĕ, часах ăна театра ĕçлеме чĕнсе илнĕ. 1920 çулта вăл университета таврăнать. Вĕренсе тухсан Шупашкара куçса килет те тухтăр пулса ĕçлеме тытăнать. Çынсене сиплени вăхăтрах, 1927-1930 çулсенче театăрăн тĕп режиссерĕнче вăй хурать, 1931-1934 çулсенче кĕвĕ училищинче вĕрентет.

Вăрçă хыççăн темиçе çул хушши Чăваш Енĕн тĕрлĕ сывлăха сыхлакан сферăра тĕрлĕ вырăнта ĕçленĕ. 1948 çулта Чăваш АССРĕн сывлăха сыхлас ĕç министрĕ пулнă.

[тӳрлет] Ĕçĕсем

Литература ĕçĕнче утмăл çул ытла тăрăшнă Пётр Николаевич, çирĕм ытла пьеса, опера либреттисем, юрăллă кĕвĕллĕ комедисем çырнă. Хĕрĕх ытла медицина наука ĕçĕ çырса пичетленĕ.

Кĕнекисем:

«Кушар» (драма, 1927);
«Айтар» (драма, 1937);
«Элкей таврашĕ» (ропан-эпопея, 1973);
- «Пиччĕшĕпе шăллĕ» (2-мĕш кĕнеке, 1977);
- «Элкей Павăлĕ» (3-мĕш кĕнеке, 1984).
тата ыттисем;