Фёдоров Михаил Фёдорович
Wikipediaри материал
Фёдоров Михаил Фёдорович, — пултаруллă вĕрентекен, этнограф, çыравçă, XIX ĕмĕрти чăваш поэзине пуçарса яраканĕ. 1848 çулхи чӳк уйăхĕн 29 Шупашкар уесĕнчи (халĕ Чăваш Енĕн Сĕнтĕрвăрри районĕ) Хурапха ялĕнче çуралнă. 1904 çулхи çу уйăхĕн 4 Царевококшайскра (халĕ Йошкор-Ола) вилнĕ.
[тӳрлет] Пурнăçĕ
Аслă Кăршка ялĕнчи вăтам шкула вĕренсе пĕтернĕ. Ун хыççăн Шĕнерпуçри икĕ класлă училищĕне, Самар хулинчи вĕрентекенсен семинарине вĕренсе тухнă. Вĕрентекен пулса тăнă хыççăн хăйĕн пĕлĕвне Хусанта Н. И. Ильминский патĕнче пысăклатнă. Ильминскийпе пĕр сăмах тупайман, çавăнпа та Шупашкартан Царевококшайск хулине куçнă, унта вĕрентме пуçланă.
Вилнĕ хыççăн Михаил Фёдорова хулан кивĕ масарĕ çинче пытарнă. Халĕ вăл вырăнта канупа культура паркĕ вырнаçнă, вил тăпри синче асăну палăкне вырнаçтарнă.
[тӳрлет] Ĕçĕсем
- «Арçури» поэма.
"Авалхи çынсем", "Улăп тăпри", "Хурапха", "Туппай юмçă", "Чиртен сыватни" этнографиллĕ очерксем 1876 çулта Хусанта "Известия по Казанской епархии" журналта пичетленнĕ.
