Чăваш Енĕн Йĕпреç районĕ
Wikipediaри материал
Йěпреç районне 1927 çулхи авăн уйăхěн 5 туса хунă. Чăваш Ен варринче вырнаçнă. Лаптăкě — 1201,2 км2 (пěтěм республикăран 6,5%). Хăйěн лаптăкěпе вăл Улатăр районěнчен анчах пěчěк. Çӳрçěр енче Вăрнарпа Канаш районě вырнаçнă, хěвелтухăç енче — Комсомольски районě, кăнтăр енче — Улатăрпа Патăръел районěсем, хěвеланăç енче вара Пăрачкавпа Çěмěрле районěсем.
Район администрациě Шупашкар хулинчен 114 çухрăмра тăракан Йěпреç поселокěнче вырнаçнă.
[тӳрлет] Халăх
1991 çулăн кăрлачăн 1 районта 28, 5 пин çын пурăннă, вěсенчен хула çыннисем — 11,5 пин (40%), ял çыннисем — 17,0 пин (60%). Хула çыннисем Бунискпа Йěпреç поселокěсенче пурăнаççě, ял çыннисем — 56 ялта, хăшěсенче вăтамран 327 çын пурăнать. Халăх плотносě 1 тăваткал çухрăм çине 22,9 çын килеть. 83% — чăвашсем. Çынсем сарăлас енěпе ку район сахал çынлисем шутне кěреть.
[тӳрлет] Çутçанталăк
Йěпреç районě Чăваш платоě тăрăхěнче вырнаçнă. Çӳрçěр енче 30-80 метрпа вылякан сăртлă плато. Юханшывсемпе çырмасем питě нумай. Ытти лаптăк — пăр кайнă хыççăн пулнă сăртлă тӳремлěх. Йăпреç районěнче кирпěч чěр таварне кăлараççě, тата çунакан сланецсемпе фосфоритсене тупкалаççě.
Йěпреç районěнче вăтам континент климачě. Температура вăтамран кăрлач уйěхěнче -13°С, утă уйăхěнче — 18,7°C. Чи пěчěк палăртнă температура -42°C, чи пысăкки — 37°C. Вăтамран юр-çумăр 500 мм таран ӳкет, ытларах енěпе çулла.
Район тăрăх пěчěк юханшывсем юхаççě: Кире (Сăрăн сылтăм юппи), Кошлаушка (Кĕçĕн Çавалăн сылтăм юппи), Кĕтне (Сĕвен сулахай юппи), Хома (Кĕтнен юппи). Çавăн пекех Пăлапа Вăрăм юханшывсем юхаççě, вěсен район тăрăхěнчи вăрăмěшě кěске. Кӳлĕсем районта сахал, пуррисем те пĕчĕк.
[тӳрлет] Паллă çыннисем
| Чăваш Ен районěсем |  |
|---|---|
| Вăрмар районĕ | Вăрнар районĕ | Елчĕк районĕ | Етĕрне районĕ | Йĕпреç районĕ | Канаш районĕ | Комсомольски районĕ | Красноармейски районĕ | Куславкка районĕ | Муркаш районĕ | Патăръел районĕ | Пăрачкав районĕ | Сĕнтĕрвăрри районĕ | Çĕмĕрле районĕ | Çĕрпӳ районĕ | Тăвай районĕ | Улатăр районĕ | Хĕрлĕ Чутай районĕ | Шăмăршă районĕ | Шупашкар районĕ | Элĕк районĕ | |
