Domanê Sıri
Wikipediya ra, ensiklopediya xosere
Domanê Sıri
Caê de mordemê biyo. Cêniya xo ra domani nêbiyê. Rozê vato: "Cênık, ez xo rê zewejün, tora domanê ma nêbenê." Cênıke vana: "Mı ra domani benê, hama sır benê, sonê. Eke inam nêbena, to ra vaji, ez nıka uncia doman re nêwesıne." (Tavi cênıke mêrde xo xapnena).
Roz ve roz paçıku puresnena vêre xo ro, xo kena perç-puf. New asmi ra têpia mêrde xo ra vana: "Buriyê mı amey" Xo rê qusqanê lovazu pozena, wena. Mêrık ra vana: "Wela adıri purezıne ro ke, so cor, qulva de bekle ke. Mı ke to ra va ’yeno’, tı desınde pê ce, meverde sır bo, şêro." Lovaji werdê, vêre cênıke dezeno, kute ra riye. Lozıne de wela adıri kena ro, venga mêrdi dana, vana: "Hay ro cı be (hesare cı vınde), nıka yeno."
Se ke riye kena werte, wele vay dina qulva ro, cor sona. Bena thırre-thırra cênıke. Cor wele kuna çımanê mêrıki, thırrais u gımais ra çım çımi nêvêneno. Cênıke veng dana: "Mêrık, to doman pê guret?"
Mormek vano "Haqsala emre dey kılm kero, thırrais, zıngais, gımais ra dina biye zılamotıke, mı thoa nêdi, sır bi, şi. Mı rê domani lazım niyê." Naê ser nêzewejino.
(na mesela parchikê ju sanika, gereke sanike de bêro nustene...-wendox)
