Mesela pir u çê talıvi
Wikipediya ra, ensiklopediya xosere
Caê de jü pir sono çê talıvi. Talıv çê de nêbiyo. Cênıke ve çêneka xo ra çê de biyê.
Pir tenê ke niseno ro, çêna talıvi maa xo ra vana: "Guneka, na pire ma çıqa zayıfo. Peêki mendê ro thajiyu. Mae k’ vana: "Çımê to ve kor bê, ça hin vana? Qayte vıle piri ke, jê xojiyo.
Pir nine hesneno, heredino, urzeno ra, sono. Rae ra raste talıvi beno. Talıv vano: "Piro, kata sona, koti ra yena?" Pir vano: "Çê sıma ra yonu. Cênıka to mı ra va ’xoz’, çêneke va ke ’thaji’. Ezı k’ ustune ra, son çê."
Talıv vano: "Heww, piro piro, to çıqa budelawa, to çı qayte qesanê dine bena? I cailê, nêzanê! To xo rê jê heri goşi rover dêne, roniştene, hata ke ez amu."
