Mormek be Kerge ra
Wikipediya ra, ensiklopediya xosere
Dewê de lewe jü boni de punê biyo. Uza sodırane kergê khurrnêne, venge xo restene cıla mormekê çêy, o ki khurrnaisê kerge ra qariêne. Rozê sodır ra kerge mormeki eve khurrnaisê xo kena hêsar, no ki endi biyo bêzar, venga lazê xo dano: "Ero kemerê berze cı, vengê xo bıbırriyo." Laêk jü kemere erzeno puni, kerge vengê xo bırrnena. Zamanê ra têpia uncia khurrnena.
Mormek reyna lazê xora vano: "Kemere b'erze". Laêk ki uncia kemerê cêno, erzeno, desınde vengê kerge bırrino. Geyimê hireine ke kerge kuna khurrnais, teseliya mormeki kuna, hêrsunê xora laêki ra vano: "Ero bê, zutıka daê ne!"
