Xal u werezay ra
Wikipediya ra, ensiklopediya xosere
Roze pısıng sono bırr ra fetelino raste şeri yeno. Şer nıyadano ke pısıng şıyo ro xo. Zımel, goşi, dım, sare, çım to vana ' şer be xoyo. Şer, pısıng ra perseno vano: - Wereza to ça niya qol, qıskek menda? Pısıng şeri ra vana: - Xalo, veré lopune qule Heqi de mendune coka, qule Heqi mıré zaf heşireni kené coka ez nia qıskek mendune. Şer vano: - Ala haye şime, mı bere leye qule Heqi, ça werezaye mıre heşireni keno ez hefe to ine ra bıcerine. Pısıng vano: - Xajo, qule Heqı ve fendo, péto, qurnazo, raste xo delmasto, delmaste xo rasto, to tey bas nékena! To kıseno. Şer vano: - Ala hayde şime ez hefe to dey ra bıcerine, hale deyı de niyadine. Şer ve pısımg ra kuné teare piya bırr ra feteliné. Niyadané ke venge torjeni yeno. Darine we hete vengi ser sone nıyadane ke qule Heqi hao eve torje qile keno hurdi. Şer vano: - Qulo, to ça werezaye mıré heşireni kena , niya bucir,qıskek verdana? Qule heqi vano: - Şero, no taliye pısıngi yo ez se'bıkerine. Şer vano: - Qulé Heqi ez to wen, to werezaye mıre zaf xıravıneni kerda hefé werezaye xo tora cenune. Qulé Heqi torje dano qıle ro gılasneno ra cereno ra şeri vano: - Bıra şer, ez zonenune to mı wena, çéde meymané mı este, bi dest berze ra na qile piya hurdikerime ura dıme mı buye. Saré .é ma yené mı kené saye, na koli vinené bené pé meymanuré werd pozené. Qule Heqi torje dano qıle xo qılasneno ra, şer ra vano: - Bıra ala dest berze ra na qılaşeü ez torjené xo newunde pırodine. Şer yeno lopune xo erzeno ra qılaşe qile o helm de qulé Heqi tıra torjené xo onceno lopé şeri qılaşe qile de manené. Şer zirçeno jiveno dina nano péra, qapaxé dina dano we. Pısıng remeno xo erzeno peye komeli de xo dano we. Qule heqi şer ra vano: - To ame hefé werezaye xo cena hene? Ez nıya heywanuné je to xapnenune. Qule Heqi torje dano ve sare şer ro şeri kıseno. Pısıng peye bırr de xo xoré vano: - Xalo mı tora va ke ' Qulé Heqı eve fendo, to ey de base nékena to gos ro mı serı néna. Qule Heqi qıla xo keno hurdi koline xo ceno sono çé.
