User:Võrok
Läteq: Wikipedia
Tereq!
Maq olõ võro ja eesti Vikipeediä pruukja Võrok, inglüsekeelitseh olõ Võrolang, välähpuul vikipeediät olõ võro keele oppaja, edendäjä ja uurja Jüvä Sullõv, kink kotsilõ saat vähä lähkümbält kaiaq tast. Mullõ saa kirotaq aadrõsi pääle juvasul@ut.ee vai kõlistaq (+372) 5554 3727. Vikipeediäga olõ kokko putnu ja ütte-tõist eesti, inglüse ja soomõ Vikipeedijih kirotanu 2004. aastaga sügüsest pääle. Põhilidsõlt olõ kirotanu sääntsist as'ost nigu võro kiil ja tõõsõq väikuq keeleq.
2005. aastaga alostusõst pääle olõ pruuvnu saiaq võro keelele umma Vikipeediät ja mul um hää miil, et jaanipääväs saigi taa asi peräkõrd teos. Algusõn sai taa vahtsõ võrokeelidse Vikipeediä man pia ütsi toimõndõdus. Õnnõ paar välämaalasõst huvilist-avitajat (Node, Angela) olliq. Eesti vikipeediäläisist avidiq Klaus ja Andres. 2005. aastaga sügüsest pääle um mano löönüq ja kõvva tüühü naanu Valdis. Timä kirotas parhilla suurõmba jao artikliist ja põhilidsõlt timäga piämiki võro viki as'oh kõik nõvvoq maaha. Suurõq tenoq kõigilõ nailõ inemiisile!
Umakeeline entsüklopeediä um tähtsä egä keele jaos, a esiqeräle sääntse keele jaos niguq võro kiil, kel olõ-i inne üttegi entsüklopeediät olnuki.
Kutsu kõiki võro keele mõistjit ja huviliisi üles võrokeelitsehe entsüklopeediähe kirotama vai taad muud muudu - teknilidse abi, kujondusõ vai hää nõvvoga edesi avitama!
--Võrok 10:05, 26 Jun 2005 (UTC)
| Pruukja keelemõistminõ (kaeq Paabõlit): | ||||||||||||
|
||||||||||||
| Pruukjaq keelemõistmisõ perrä |
Katõgooriaq: User fiu-vro | User fiu-vro-N | User et | User et-3 | User fi | User fi-3 | User en | User en-2 | User ru | User ru-2 | User hu | User hu-1 | User lv | User lv-1
