Lena Anderssen
Frá Wikipedia, hin frælsa alfrøðin
Lena Anderssen (fødd 26. september 1974 i Tórshavn) er ein føroysk-kanadisk songkvinna.
Lena hevur valt at útliva dreymin um eitt lív sum yrkistónleikari. Saman við manninum Niclas Johannesen hevur hon seinnu árini roynt seg uttanlands og innanlands. Í 2005 hava tey satsað miðvíst upp á danska marknaðin. Har hava tey spælt nógvar konsertir, givið út fløgu Can't Erase It, luttikið í nógvum útvarpsendingum, fingið fleiri frálík ummæli og hava verið á konsertferð saman við amerikonsku songkvinnuni Beth Hart.
Lagið Step On The Gas, av nýggju endurljóðblandaðu útgávuni av fløguni Can’t Erase It, hevur verið nógv at hoyrt í útvarpinum í Danmark. Í løtuni (juni 2006) byrjar Can’t Erase It at verða spælt í donskum útvarpi. Í løtuni arbeiða Lena og Niclas við komandi fløguni, ið verður givin út í Føroyum í næstum.
Lena er nógv ment sum songkvinna, tekstskrivari og tónasmiður. Hennara ómetaliga inniliga rødd nemur við hjartað, tá hon syngur sínar søgur. Lena er ein innilig songkvinna, og konsertir við henni eru altíð minniligar.
[rætta] Útvortis ávísing
- LenaMusic.com (enskt)
- MySpace.com - Lena Anderssen (enskt)
- Asfalt.fo (føroyskt, kelda)
