Uni Reinert Debess
Frá Wikipedia, hin frælsa alfrøðin
Uni Reinert Debess er tónleikari; sangari, yrkjari, tónasmiðjur og gittarleikari. Hann er føddur 24. november 1979 í Havn.
Uni byrjaði seint at fáast við tónleik. 1999-2001 lærdi Uni um tónleikaástøði og gittarleik á Tórshavnar Musikkskúla. Hann hevur gingið til ymsa gittarvenjing eftir tað.
Í 2001 spældi hann við bólkinum Teir á Free Føroyar-konsert. Í 2002 spældi hann á ólavsøkukonsert við Bates Motel. í 2003 við Headache Blues Treo. Og í 2004 við GoGo Blues, sum hann spælir við enn.
23. apríl 2005 vann hann Prix Føroyar í bólkinum GoGo Blues. Umframt at vinna sjálva tónleikakappingina, vann GoGoBlues virðisløn fyri besta tónleikabólk, umframt at bólkurin varð boðin við til G!Festivalin.
Í august skal hann saman við GoGo Blues til Kanada at spæla á ymsum festivalum.
[rætta] Útvortis ávísingar
- Prix Føroyar - Heimasíða Prix Føroya
- GoGo Blues - Heimaíðan hjá GoGoBlues
