Help:Premiérs pâs
Un articllo de Wikipedia, l’enciclopèdia abada.
 |
Ceta pâge est ècrita en arpetan supradialèctâl / ORB. | |
Veyéd-vos l’ongllèt « èditar / modifiar » en-hôt/amont de châque articllo ? Sur Vuiquipèdia, en clicant sur ceti boton, vos pouede/povéd èditar un articllo quand vos (l)o souhètâd, que vos seyéd enscrit ou nan.
Vuiquipèdia, cen qu’est ?
Vuiquipèdia est una enciclopèdia abada, gratuita et multilinga a laquin(t)a vos éte envitâ a participar. Modifiar un articllo ou en crèar un novél est tècnicament ben simplo et rapido. Voutres modificacions seront côrtament visibles et d’ôtros vuiquipèdiens vindront vèrifiar voutra modificacion. Ceti tipo de seto malyâjo co-opèratif est apelâ un vuiqui.
Coment pôt-o /-il marchiér ?
Des centênes d’entèrnôtes sont tojorn aprés (a)mèlyorar la Vuiquipèdia arpitanofona, fas(s)ent des milyérs de changements per hora, d’ense ceta enciclopèdia devint més vâsta, més complèta et més prècisa de jorn en jorn.
Tôs los changements d’un articllo sont notifiâs sur una pâge d’historico et sur la pâge des dèrriérs changements. O/il est tojorn possiblo de tornar a una anciana vèrsion d’un articllo et les contribucions inutiles ou nuisibles sont en g·ènèrâl reteriêes rapidament.
Coment pouè-jo édiér ?
Adés, seyéd coragiox et comenciéd a contribuar dês ora ! La simpla corrèccion d’una fôta d’ortografia est una contribucion utila et aprèciyêe. Tot lo mondo pôt participar. Èyéd surtot pas pouer(e) de cassar Vuiquipèdia ou de (r)apondre du conte(g)nu que sêt mâl-adaptâ — en câs de fôta, des èditors més èxpèrimentâs seront lé por rèparar et vos édiér.
Nom d’utilisator
Tot lo mondo pôt contribuar a Vuiquipèdia, mémament sen avêr a sè crèar un compto, mas la maj·oritât des èditors ant dècidâ de sè crèar un nom d’utilisator que l(y)or est p(r)ôpro. Porquè sè crèar un compto ? Sè crèar un compto pèrmèt u contributor la recognessence de ses contribucions, de participar ux votos/a les votacions, d’avêr una pâge pèrsonâla, pas més étre localisâ per adrèce IP... Por vos crèar un compto clicâd sur « Sè conèctar ou crèar un compto ». Dês qu’o/-il est fêt, vos pouede/povéd vos presentar sur lo Jornal des novéls ve(g)nus.
|
|||||||||
