Hielal
From Wikipedy
It hielal is al wat bestiet, de romte mei alles wat dêr yn te finen is.
It omfet de stjerren, dêrûnder de Sinne, planeten, dêrûnder de Ierde, hiel it molkenpaad, alle oare stjerrestelsels, en alle romte.
It hielal wurdt bestudearre troch de stjerrekunde, útsein de Ierde, dy't it stúdzjeobjekt is fan de ierdwittenskip.
In part fan de stjerrekunde, de kosmology, hâldt him dwaande mei de fraach nei it ûntstean fan it hielal. Dêr binne ferskate teoryen oer. De wichtichste fan dy teoryen is op it stuit faaks de teory fan de oerknal.
