Korbulo
From Wikipedy
Gnaius Domitius Corbulo (Frysk: Korbulo) (likernôch 7 - 67 n. Kr.) wie in Romeinsk befelhawwer tidens keizers Klaudius en Nero. Hy wie in healbroer fan Caligula’s fjirde frouw Caesonia.
[bewurkje seksje] Libben
Korbulo makke yn it leger opgong as militêr. Hy trouwde mei Cassia Longina út in foarnaam Romeinske senatoren famylje. Sy krigen twa dochters. De âldste Domitia Corbula trouwde mei de senator Lucius Annius Vinicianus. Harren twadde dochter Domitia Longina waard letter keizerin troch har houlik yn 70 mei de lettere keizer Domitianus.
Yn 47 wie Korbulo legatus militus fan Germania inferior (in gebiet dat sawat oerien komt mei it hjoeddeiske Nederlân). Hy hie in proatte sukses yn de oarloch tsjin de Germaanske Sjauken en Friezen, dy troch him ferslein waard. Lykwols krieg hy fan keizer Claudius opdracht him werom te loeken efter de Ryn, dy sonttiid de grins (limes) fan it Romeinske ryk mei de Germanen bleau.
Korbulo handhavenje in stringe tucht yn syn legers en sette syn soldaten oan it werk troch harren de fossa Corbulonis (ek wol neamd kanaal fan Korbulo) útgrave, dy de Maas mei de Ryn ferbûn. Archeologyske opgravings hawwe oantoand dat dit kanaal foar in part beware bleaun is yn it Vliet tusken Leiden, dat doe Matilo hjitte en Voorburg ( doetiid Forum Hadriani). Yn 1989 waard by de oanlis fan de wyk Rietvink yn Leidschendam hjir spoare fûn.
Letter wie Corbulo mei in proatte sukses befelhawwer by ferskate militêre akties yn it Easten. Yn 67 waard hy lykwols slachtoffer fan Nero’ syn paranoia. Hy krieg opdracht him te melden yn Grykelân, dêr't Nero him tidens syn keunstreis befûn. Korbulo krieg opdracht selfmoard te bedriuwe. Dat wie in Corinthe, in Grykse havenstêd.
[bewurkje seksje] Publikaties
Corbulo skreau in ferslach oer syn belibenis yn Lyts-Aasje, dat ferlear gean is. Oare skriuwers as Tacitus, Plinius de Oudere en Cassius Dio hawwe hjir wichtige ynformaasje út helle foar harren eigen skriften.
