Washington, D.C.
From Wikipedy
|
|
|
 |
|
| Tal ynwenners | 582,049 |
| Oerflak | 159,0 km² |
Washington D.C. is de haadstêd fan de Feriene Steaten. "D.C." stiet foar District of Colombia, hokker in spesjaal distrikt foar de haadstêd is. Dit distrikt kinst net ta in steat fan de F.S. rekkenje, mei gefolch dat de ynwenners fan "D.C." net dielnimme kinne oan de ferkiezings foar it Amerikaanske Kongres, dy't allinich de Amerikaanske steaten fertsjinwurdiget. Wol kinne hja dielnimme oan de presidintferkiezings. De stêd is nei de alderearste presidint fan de F.S. neamt, George Washington. De stêdekloft omfettet lykwol it "District of Colombia" en parten fan Maryland, Virginia en West Virginia en hat meiïnoar in tal ynwenners fan mear as 4,7 miljoen.
Washington D.C. is spesjaal stift om as in haadstêd te funksjoneren. It stêdsplan fan eartiids lit in goeie skieding fan macht yn de iendieling sjen: oan ien side fan it National Mall stiet it witte hûs, wêr de presidint as haad fan de útfierende macht syn setel hat. Oan de oare side stiet it Kapitoal, wêr de wetjouwende macht fêstige is.
Tsjinwurdich is Washington D.C. mar in lyts part fan de gruttere stêdekloft: in protte útwreidingen fan regeargebouwen en wengebieden binne no lokalisearre yn steaten lykas Virginia en Maryland. Ek it militêre sintrum it Pentagon stiet búten Washington D.C. yn de steat Virginia.
