Iúr Chinn Trá
Ón Vicipéid, an chiclipéid shaor.
| Iúr Cinn Trá | |
| Daonra: | 27, 433 (2001) |
| Cúige: | Ulaidh |
| Contaetha: | An Dún, Ard Mhacha |
| Dífhostaithe (aois 16-74) | 5.5% |
| Creideamh: | Caitlicaigh 89.6%, Protastúnaigh 9.4% |
| Comhairle Áitiúil | An tIúr agus Múrna |
| Ceanntar Parlaiminte (de réir Westminster) | An tIúr agus Ard Mhacha |
| Ball Parlaiminte | Connor Murphy (41.4%, Sinn Féin) |
| Comhordanáidí | 54°10'26.4" N 6°19'26.4" W |
| Ard (thar farraige) | 10 méadar |
Is é Iúr Cinn Trá nó An tIúr (Newry sa Bhéarla) an tríú cathair is mó in Ultaibh de réir daonra, i ndiaidh Bhéal Feirste agus Doire Choilm Cille. I ndeisceart Chontae an Dúin/Chontae Ard Mhacha atá sé. Tá sé timpeall leathbhealach idir Bhéal Feirste agus Bhaile Átha Cliath. Tá daonra tuairim agus 35,000 ann, agus ba sa bhliain 1144 a bunaíodh é taobh le mainistir Chistéirseach.
Bhronn Rí Chenél nEógain Muirechertach Mac Lochlainn agus Ard Rí na hÉireann (circa 1154 go dtí 1156), tar éis dó dul i gcomhairle le Easpag Ard Mhacha, Mael Maedoc, Chairt nó Donatio ( Tá sí scríofa i Laidin ) de thalamh sa bhreis ar na Cisteirsigh.. Tá an Chairt nó Donato seo ar thaispeaint in Iarsmalann na Cathrach.
D'fhás sé suas ina bhaile margaidh agus garastúin, agus rinneadh longphort de i 1742 nuair a cuireadh ceangal chuige as Loch nEathach leis an gcéad chanál in Éireann. I mí Márta 2002, cheap an Bhanríon 'Éilis 2' Iúr Cinn Trá ina chathair.
I measc na mór-fhoirgneamh sa chathair tá Ardeaglais Chaitliceach Iúr Cinn Trá agus Halla na Cathrach. Tá Halla an Bhaile suimiúil mar gur tógadh é os cionn na habhann atá ar theorainn Chontaetha an Dúin agus Ard Mhacha. Tá iarsmalann agus Ionad éalaíona sa chathair chomh maith.
