Şaram
From Wikipedia
Şaram, Talə zəytun yä Tabrizi där (melia azedarach)
i därə je orə kə inə meevan, zeytun yä senjedə moonan, talə zeytun o talə senjed ni gunan. i där zeytunə murson niye o xazonam ni daanə o inə hälat nimə majnun zeenə. hin vasi, agar unə talə senjed bugoym xujir tarə. ni inə ruşdə surat, senjede gunanə zeenə. i därə gulon banafş äbi isə kə qaşangə xuşei gul äzinonə meen hanna o vahärə meen pur unə qaşangi deenə.
talə zeytunə meevan şaft isan o barräqə zardə rangə amrə o kuravi furmə amrə, tousan o vahärə sar rasanan. i därə meevə ädame bə xurdani niyə, vali parandəgon yä garzan (موش) unə xoonan. meevan putanə pasi hattä xazonə pasi, därə sə moonan o zumsonə meen kalnan. har meevə itə ustəxoni hastə daanə.
u zamat kə paiz o zumsonə meen meevanə juma koonan, uşonə namdär koonan tä meeve guşti jä fäsid babi o unə bazron judä baban. i bazron, maamuli şaräyetə meen o xuşk, tä yak säl hu nämiye qovve amrə moonan. vä gutan kə ironə junubə meen itə därə gunə hanna kə inə nom çerişə o talə senjedə zeenə.
