Afrä
From Wikipedia
Afrä (acer)
i jens pur där o därçə gunə daanə kə inə däri gunan şumälə jangalonə meen je qeymati tarin däron isan. däroni çun palt o şirdär je xujirtarinəşon isan. i däronə bazr o meevə, du fanduqə o bäldär isə. şanə gutan kə inə meevə i fanduqei murson isə kə je i su, i bälə gustardə bubokə o dutə je işon, meeve taraf hamdigarə baçasbase hannan kə banə dufanduge bäldärə murson. bälonə andäzə, şikl o inə meeni zäviye, muxtalef gunanə meen farx koonə o xujir neşonei işə, i gunanə şenäsäi gudanə vasi je hamdigar.
i däronə guldehi zamat, ordibeheştmä isə o inə meevə tousanə aväxir tä paizə sar, puçanə. meevan, puçenə zamat, avval işonə rang tire zard isə o bazin sabz yä qahvei mäyel be surx banə. meevan viştar çantəi o gä galaf itəi titi mehvarə baçasbasə hannan. bazron tousanə aväxir o paizə sar je däron kalnan o işonə bälonə şiklə o sabuki vasi, bädə amrə paxşa bunan. bazrə şanə putanə zamat je därə sar çeen yä därə xälonə kə bazr inə sar hanna väben.
afrä däron, vaxti işonə sind o säl jir isə, bazr dehe saräginan o taqriban har sälə bazr hadenan. bazronə, fiçenə pasi bujär koonan o baadi sälə meen hio namdär xäkə meen kärnan. albatə şanə bazronə javonə zani darsadə joor burdanə vasi, je esträtifikäsiyun timär, xunak mäse meen be modate sadupanjä tä sisad ruj istəfädə gudan. bazronə şanə hu rasenə vaqt fiçen o digar vahärə meen käştan.
