Lark
From Wikipedia
Lark (pterocarya fraxinifolia)
i där şumälə meen o julgei mantaqanə jangalonə meen o ni bäq o bijäronə var, digar däroni çun tuskä amrə bade bunan. lark i päye där isə kə inə nar o mäddə titi je yakdigar sivä isan. i därə meevan , bäldär fanduqanə murson isan kə har bazr, itə dastə bälə amrə, itə bäldär safhe murson banə. pur teedäd je i meevan, je itə mehvare bulandə titi ouzin isan. meevanə rang avval rouşan savz isə kə putanə pasi tirə qahvei rang banə. har meeve bälon, taqriban tahlil şanə o pur saxt o ustəxoni banə. meevan tousanə meen rasanan.
meevanə şaanə tousanə aväxir faläkan o zarbe amrə je däron judä gudan o uşonə galə sə juma gudan. bazronə ibçi xuşka gudanə pasi, bujäri koonan o uşonə bäla judä koonan. albatte çun i däron qalame, päjuş o yä rişejuş amrə äsontar ziyäta banan, kamtə bazrə amrə, larkə därə ziyäta koonan. agar bazr, bälə amream ni bəkärdə babi, xujir savza banə o hinvasi çandon niyäz niyə kə bazrə bälonə judä gudan. faqat bäyad je käştə qabl, bazrə xujir ouə meen daxisonen tä itə bälan narm o mutevarrem babi o tund mus bukuni.
