Marie Dolistová
Z Wikipedije, swobodneje encyklopedije
| Marie Dolistová | |
|---|---|
 Čěska spisowaćelka Marie Dolistová |
|
| Zakładne daty | |
| datum narodźenja: | 1951 |
| ródne město: | Praha |
Marie Dolistová je so w lěće 1951 w Praze narodźiła, nětko - hižo wot lěta 1961 - bydli w sewjernočěskim měsće Teplice. Wona wotzamkny medicinsku srjedźnu šulu, na fachu rehabilitacije a dźěła nětko jako rehabilitaciska chorobna sotra w Tepličanskej chorowni. Poeziju spisuje hižo wot lěta 1985.
Awtorka so z duchownymi tradicijemi w čěskej poeziji inspěruje, ale tež přez mjezynarodnu poeziju, přez přirodu a přez přebywanje w tutej, wupjelnjena z hnutosću a zamyslenosću. Awtorka spóznawa nic jenož zwonkowne fenomeny w přirodźe a w čłowjeskim zadźerženju, ale chce tež te "wono" pod a za tym zapopadnyć, začuwa tež wobdźiwajomne byća a cyłeho uniwersuma.
Někotre razy so wobdźěli na literaturnych wubědźowanjach w sewjernočěskim regionje a druhdźe. Někotre z jeje basnjow buchu w městnych nowinach a w poezijowym almanachu skupiny XXVI. W lěće 1994 je jeje prěnja zběrka basnjow "W syće rybarja" w nakładistwje Řád w Praze wušła, w lěće 2000 "Z přisłodom zemje" a w lěće 2002 "Zarosćene šćežki" w nakładistwje ALFA-OMEGA w Praze. Zběrki wobsahuja basnje z přirodnej lyriku, wotbłyšćowanje žiwjenja a z basnjemi z duchownej orientaciju. W zběrce "Zarosćene šćežki" stej tež dwě wobšěrnišej episkej basni wěnowanej dwěmaj žonomaj dźělenymaj wot so přez lětstotki - a kotrejž tola stej sebi tak bliskej z jeju heroiskim humanizmom, žonomaj čěskeho naroda - knjeni Zdislava z Lemberka z prěnjeje połojcy 13. lětstotka a doktorce Vlasta Kálalová-Lottiová z dwaceteho lětstotka.
Marie Dolistová je tež awtorka tekstow z bibliskimi temami a dweju hudźbneju libretow. Je čłonka literarneho kluba PEGAS w Mělníku a literaturneho kluba Naďa Benešová w Čáslavje.
Tutón hornjoserbski tekst pochadźa wot weboweho sydla Marie Dolistoveje a bu wot awtora tutoho nastawka hižo za te webowe sydło spisany.
Na jeje webowym sydle su tež někotre z jeje tekstow zeserbšćenych wot Michaela Wolfa. Wotkaz hlej deleka pod "Eksterne wotkazy".
[wobdźěłać] Eksterne wotkazy
Jeje webowe sydło z jeje basnjemi:
