SeaMonkey

Z Wikipedije, swobodneje encyklopedije


Wuwiwarjo:	Team wuwiwarjow SeaMonkey
Aktualna wersija:	1.1.1 (2. měrc 2007)
Dźěłowy system:	njewotwisny wot platformy
Kategorija:	Programowa zběrka
Licenca:	MPL/GPL/LGPL trójna licenca
Hornjoserbsce:	haj
Webowe sydło:	sorbzilla/seamonkey

SeaMonkey (serbsce „Salinowy rak“ [Artemia salina]) je swobodna zběrka programowych komponentow (jendźelsce "Application Suite", kotraž wobsteji z weboweho wobhladowaka, e-mejloweho programa, adresnika, HTML-editor, programa za bjesadowanje a dalšich nastrojow a so přez skupinu wuwiwarjow pod de:Mozilla Public License, de:GNU General Public License (GPL) a de:GNU Lesser General Public License (LGPL) wuwiwa.

[wobdźěłać] Podrobnosće

SeaMonkey je dalewuwiće programoweje suity Mozilla Application Suite wot załožby Mozilla Foundation. Hdyž tuta rozsudźi, zo hižo njeby tutón produkt dale wuwiwała, zo by so na wuwiwanje na webowy wobhladowak Firefox a e-mejlowy program Thunderbird koncentrowała, namaka so skupina dobrowólnych wuwiwarjow, kotraž wuwiće tuteje softwary přewza.

Prěnja oficielna wersija (1.0) je 30. januara 2006 wušła.

SeaMonkey skića přez swoju syćowu funkciju móžnosć (jendźelsce: roaming), zo bychu so hesła, zapołožki, placki a druhe wužiwarske daty na serwerje składować, zo bychu so z rozdźělnych městnow wužić dali.

W linuksowej distribuciji Debian najnowša wersija (dla mjenoweje zwady mjez Debianom a Mozillu) hižo SeaMonkey njerěka, ale Iceape.

Wot wersije 1.1 (wot 19. januara 2007) je SeaMonkey tež jako portabelna wersija.

[wobdźěłać] Komponenty

Navigator: webowy wobhladowak
MailNews: e-mejlowy program
Composer: HTML-editor z WYSIWYG
Adresnik
Chatzilla: Bjesadowanski program za IRC
Nastroje za webowych wuwiwarjow: Venkman (programowa komponenta za wuporjedźenje zmylkow) a DOM Inspector, kotryž strukturu weboweje strony pokazuje.