Calendario hebree
De Wikipedia, le encyclopedia libere
Le actual definition del Calendario Hebree esseva stabilite per le presidente del Sinedrio Hillel II circa in 359 d.C. Le characteristicas original de su calendario es comocunque incerte. Le Calendario Hebree es usate per le Judeos de omne le mundo pro scopos religiose, e illo es le Calendario official in Israel.
Le Calendario Hebree usa como referentia le Sol e le Luna, in effecto on cerca de facer in modo que su annos coincide con le anno tropic e que su menses coincide con le periodo de revolution synodic del Luna. Iste in effecto es un systema complexe e le regulas del Calendario Hebree es ergo fascinante.
Le annos pote esser commun de 12 menses lunaric, o embolismic di 13; le unes e le alteres pote esser sia in defecto (353 o 383 dies), sia regular (354 o 384 dies), sia abundante (355 o 385 dies). Un cyclo di 19 annos (12 commun e 7 embolismic) reconduce le initio del anno al mesme data solar. Su tal cyclo le durata media del anno es de 365,2468 dies.
Cata mense initia approximativemente con le arrivata del Luna Nove. Le nomines del menses e lor dimension es:
| n. | mense | defecto | regular | abundante |
| 1 | Nisan (Abib) | 30 | 30 | 30 |
| 2 | Iyyar (Ziv) | 29 | 29 | 29 |
| 3 | Sivan | 30 | 30 | 30 |
| 4 | Tammuz | 29 | 29 | 29 |
| 5 | Av | 30 | 30 | 30 |
| 6 | Elul | 29 | 29 | 29 |
| 7 | Tishri (Ethanim) | 30 | 30 | 30 |
| 8 | Heshvan (Bul) | 29 | 29 | 30 |
| 9 | Kislev | 29 | 30 | 30 |
| 10 | Tevet | 29 | 29 | 29 |
| 11 | Shevat | 30 | 30 | 30 |
| 12 | Adar | 29 | 29 | 29 |
| 13 | Adar I | 30 | 30 | 30 |
| dimension | 353/383 | 354/384 | 355/385 | |
(Le nomines del menses pote haber un differente diction a causa del differentias del traduction del alphabeto hebree)
Le mense Adar I es presente solo in le annos embolismic. Es interessante notar que in le annos commun (de 12 menses) regular, le dimension del menses se alterna inter 30 e 29 dies. In celle abundantes es addite un die al mense Heshvan e in celle de defecto es subtraite un die ab Kislev.
Le alternar se de 30 e 29 face in modo que cata anno initia con un Luna Nove como tamben cata mense del anno. Le annos embolismic o bisextil, es illos que dividite per 19 da un del sequente restos: 0, 3, 6, 8, 11, 14 o 17.
[modificar] Como on conta le annos in le Calendario Hebree?
Le annos es contate desde le creation del mundo, que le Judeos crede sia advenite in 3761 a.C., in tal data initiava le anno 1 AM (Anno Mundi)
