Wikipedia:Conventiones de nomenclatura
De Wikipedia, le encyclopedia libere
Iste pagina contine un lista de directivas super como nominar paginas.
Generalmente, le nomination de articulos debe dar prioritate a lo que le majoritate del lectores de interlingua recognoscerea con major facilitate e con un minimo rationabile de ambiguitate.
Le proposito de iste directivas es render plus facile crear nove paginas con ligamines appropriate. Quando tu scribe paginas Wiki super qualcunque subjecto, nomines, parolas o expressiones que tu pensa que deberea esser ligate a information ulterior debe esser scribite inter [[parantheses quadrate]] a fin que illos appare como ligamines. Sequente conventiones consistente durante le nomination e le ligation augmenta le probabilitate que iste ligamines va conducer al loco correcte.
Es importante notar que istes es conventiones, non regulas scribite in petra. A mesura que Wikipedia cresce e evolve, alcun conventiones que un die faceva senso pote devenir obsolete. Mais in caso de dubitas, observa le convention.
[modificar] Conventiones general
[modificar] Prefere substantivos in le singular
Convention: In general solo cria titulos de pagina in le singular, a minus que ille substantivo es sempre in forma plural in interlingua.
Fundamento logic e specificitates: Vide Wikipedia:Conventiones de nomenclatura (plural) e Wikipedia:Canonisation
[modificar] Usa parolas in interlingua
Convention: Nomina tu paginas in interlingua e cita le transliteration native in le prime linea del articulo. Exemplo: Koran in vice de Qur'an.
Fundamento logic e specificitates: Vide Wikipedia:Conventiones de nomenclatura (in interlingua)
[modificar] Usa nomines commun de personas e cosas
Convention: Usa le nomine plus commun de un persona o cosa que non entra in conflicto con le nomines de altere personas o cosas.
Fundamento logic e specificitates: Vide: Wikipedia:Conventiones de nomenclatura (nomines commun)
[modificar] Sia precise quando necessari
Convention: Per favor, non redige o pone un articulo in un pagina con un titulo ambigue como si ille titulo non habeva altere significatos.
Fundamento logic e specificitates: Vide: Wikipedia:Conventiones de nomenclatura (precision) e Wikipedia:Disambiguation
[modificar] Prefere expressiones extense a acronymos
Convention: Evita le uso de acronymos in le nomines del paginas a minus que le termino que tu nomina es quasi exclusivemente cognoscite solo per su acronymo e es amplemente cognoscite e usate in ille forma (NASA e laser es bon exemplos).
Fundamento logic e specificitates: Vide: Wikipedia:Conventiones de nomenclatura (acronymos)
[modificar] Non usa un nomine de articulo que suggere un hierarchia de articulos
Non usa subpaginas. Viste que Transporto in Azerbaidzhan poterea esser equalmente considerate un subdivision de Transporto como de Azerbaidzhan, non usa un nomine como Azerbaidzhan/Transporto (un subpagina, usate pro indicar que le pagina es un subdivision del topico Azerbaidzhan). Como un exception, vide Wikipedia:Subpaginas in le paginas de usatores e de discussion.
[modificar] Attention al characteres special
Alcun characteres special non pote esser usate, o pote, mais dara problemas. Per exemplo tu non deberea usar le characteres barra vertical (|), asterisco (*), E commercial (&), o parentheses crispe ({}) o quadrate ([]) in un nomine. Vide Wikipedia:Conventiones de nomenclatura (restrictiones technic).
In ultra, pro nominar paginas le restriction al ISO-8859-1 es stricte, necun character que non es ISO-8859-1 pote esser usate. Vide Wikipedia:Characteres special pro un lista de characteres non ASCII que es permittite.
[modificar] Altere conventiones specific
[modificar] Nomines e titulos historic
Convention: In general, usa le forma plus commun del nomine usate in interlingua e disambigua le nomines de monarchas de paises moderne in le formato [[{prime nomine del monarcha e ordinal} de {pais}]] (exemplo: Eduardo I de Anglaterra).
Fundamento logic e specificitates: Vide: Wikipedia:Conventiones de nomenclatura (nomines e titulos) e Wikipedia:Conventiones super historia
[modificar] Usa numeros pur solmente pro annos
Convention: In general le uso de nomines de paginas consistente solmente de numeros deberea esser usate solmente pro articulos que tracta de ille anno. Assi, usa le denomination Form 1040 in vice de 1040, e Intel 386 in vice de 386. Assi, si nos vole includer un pagina super le eventos del anno 1040 o del anno 386, nos non habera un collision con le altere usos de numeros.
[modificar] Titulos de films
Convention: Frequentemente films ha le mesme nomine de altere films, libros, o terminos. Pro disambiguar un film de qualcunque altere cosa, usa (film) in le titulo quando un sol film ha ille nomine e (film de {anno}) in le titulo quando il ha plus de un film con ille nomine (exemplo: Titanic (film de 1997)).
Fundamento logic e specificitates: Vide: Wikipedia:Conventiones de nomenclatura (films)
[modificar] Linguas e linguages de programmation
Convention: Linguages de programmation que ha le mesme nomine de altere cosas debe haber lor nomines suffixate con "(linguage de programmation)". Linguas cuje nomine es derivate de un adjectivo national debe apparer in le formato "lingua {adjectivo}". Linguas e linguages que ha nomines unic non require suffixo. Per exemplo, Java (linguage de programmation) e lingua francese, mais VBScript e sanskrit.
Fundamento logic e specificitates: Vide: Wikipedia:Conventiones de nomenclatura (linguas)
Il ha multe altere questiones specific ancora in discussion in le Wikipedia anglese.
