Netsukuku
De Wikipedia, le encyclopedia libere
Netsukuku es le nomine de un systema de instratamento experimental de typo par-a-par, developpate per le laboratorio FreakNet, nascite pro construer un rete distribuite, anonyme e anarchic, non necessarimente separate de internet, sin le supporto de alcun servitor, ISP (Providitor de Servicios Internet) e de alcun autoritate central.
Tabula de contento |
[modificar] Idea de base
Netsukuku nasce del idea de crear un rete pur, que usa le chaos, se crea e se mantene autonomemente, e supervive adaptante se al mutationes del connexiones in rete, como un fractal. Le union del algorithmo de gestion de un rete pur con algorithmos fractal e le theorias mathematic super le chaos es un del characteristicas que permitte a netsukuku de crear un rete diffuse e distribuite, non centralisate, anonyme, anarchic, non controllabile, e autonome. Scopo de netsukuku es que quicunque, in qualcunque loco e in qualcunque momento pote uncinar se immediatemente al rete sin deber passar a transverso executiones bureaucratic o contractual. Le adresse IP que identifica un computator es seligite casualmente e in modo uni(vo)c (eventual collisiones es resolvite), ergo illo non es associabile a un localitate phisic precise, e le mesme route, formate de un numero innumerabile de nodos, tende a haber un complexitate e densitate tanto elevate que le traciamento de un nodo es un interprisa extrememente complicate. Le velocitate del transferimento del datos es limitate unicamente per le technologia actual del cartas o apparatos retiari.
[modificar] Functionamento
In un rete de typo par-a-par cata nodo age de router; pro resolver le pesante problema computational e memorisar tote le routes de tote le 2128 nodos del rete, in netsukuku se usa un meta-algorithmo experimental de instratamento, que usa alcun theorias del chaos pro evitar un consumo elevate de potentia calculatori, e algorithmos fractal pro mantener le mappa del integre rete constantemente subtus le 2 kibibyte. Al fin de crear un differente systema de nomines de dominio, non plus basate super traditional servitor DNS, ha nascite le Abnormal Netsukuku Domain Name Anarchy, un systema distribuite, non hierarchic e decentralisate, pro gestion del adresses retiari que substitue justo le DNS. Tote isto se exeque sub le systema operative GNU/Linux e es pubblicate sub licentia GNU GPL.
Le Providitores de Servicios Internet offere connectivitate petente, in excambio, un contribution economic; isto impedi a qui non ha ressources economic sufficiente le possibilitate de connecter se al rete e de communicar via su servicios. Le ISPs forni lor servicios secundo principios de profito, secundo regulas e contractos personalisate, le quales solitemente non ha in conto le disponibilitate de illes qui non pote pagar le connexion. Le structura hierarchic e centralisate de internet crea, como consequentia, altere systemas identic, que se appoia super illo mesme, como per exemplo le DNS; le nomines de dominio es in factos vendite. Le mesme structura permitte le localisation phisic de qualcunque computator connectite a internet, con consequentias notabile circa le privacy del singule nodos.
Quando un nodo se uncina a netsukuku, le rete se autoarrangia e tote le altere nodos discoperi le routes le plus veloce e efficiente pro communicar con le nove venito. Le nodos non ha privilegios o limitationes in respecto a altere nodos, illos face parte del rete e contribue a su expansion e efficientia, proque illos es totos equal. Con le augmentar de lor numero, le rete cresce, muta su forma e le routes se perfectiona. In netsukuku nos non ha alcun differentia inter retes private e pubblic e parlar de LAN non ha plus alcun signification. Un rete basate super netsukuku non pote esser controllate ni destruite proque illo es totalmente decentralisate e distribuite. Le unic modo pro surveliar o dismantellar un rete basate super netsukuku es remover phisicamente cata singule nodo que lo compone. In illo nos pote implementar effective systemas distribuite, como pro exemplo le Abnormal Netsukuku Domain Name Anarchy (ANDNA), que substitue in netsukuku le traditional systema del DNSs.
Le protocollo de rete pro le instratamento dynamic de netsukuku es appellate Npv7_HT. Le normal protocollos e algorithmos pro le instratamento dynamic es solitemente usate pro crear micre e medie retes, como le OSPF, le RIP o le BGP, e usa diverse algorithmos pro trovar le route optime pro attinger un nodo in un rete. Iste protocollos require un consumo de processor e memoria considerabile e es pro isto que le instratatores de internet es sovente computatores dedicate. Serea impossibile adoptar un de iste protocollos pro crear e mantener un rete como netsukuku, ubi cata nodo es a su vice un instratator, proque le mappa de tote le routes requirerea un spatio de circa un centena de gibibyte super cata computator connectite al rete. Npv7 structura le integre rete como un fractal, e usa un particular algorithmo appellate Quantum Shortest Path Netsukuku (QSPN) pro calcular tote le routes necessari pro connecter un nodo a cata altere nodo.
Un fractal es un structura mathematic qui se pote comprimer ad infinitum, proque cata su parte es formate del fractal mesme; le QSPN usa un algorithmo de typo fractal per le qual nos ha un compression elevate de un structura qui pote expander se infinitemente. Le resultato technic es que occurre poc KiB pro mantener le integre mappa de netsukuku super cata nodo. Le QSPN, in vice, es un meta-algorithmo proque illo non exeque un sequentia de instructiones mathematic definite, mais illo usa le casualitate e le theorias del chaos, e require necun typo de calculo.
[modificar] Abnormal Netsukuku Domain Name Anarchy
Le Abnormal Netsukuku Domain Name Anarchy (ANDNA) es un systema distribuite de assignation e gestion del nomines, non hierarchic e decentralisate que in le rete netsukuku tracta un officio que in le rete internet es assignate al DNSs. Le base de datos de ANDNA es includite in le systema netsukuku e ergo cata nodo include un base de datos ANDNA que, in le hypothese pejor, pote occupar 355 kibibytes de memoria.
Simplificante, ANDNA functiona in le sequente maniera: Pro resolver un nomine symbolic le computator applica un function hash super le nomine. Le function hash restitue un adresse que le computator contacta petente le resolution del adresse generate per le hash. Le nodo contactate recipe le requesta, recerca in su proprie base de datos ANDNA le adresse associate al nomine e lo restitue al computator inquirente. Le registration eveni in maniera simile. Per exemplo, que nos suppone que le nodo X vole registrar le adresse FreakNet.andna: X calcula le hash del nomine e obtene le adresse 11.22.33.44 associate al nodo Y. Le nodo X contacta Y petente le registration del hash 11.22.33.44 a su proprie adresse. Y memorisa le requesta in su proprie base de datos e a cata requesta de resolution del hash 11.22.33.44 respondera con le adresse de X.
Nodo X
ip: 123.123.123.123
hash( hostname: "FreakNet.andna" ) == 11.22.33.44
||
||
Nodo Y
ip: 11.22.33.44
{ [ FreakNet.andna in le base de datos de Y ] }
{hash_11.22.33.44 ---> 123.123.123.123}
Le protocollo obviemente es plus complexe proque le systema previde un gestion a clave pubblic/private pro authenticar le computator e impedir modificationes non autorisate del base de datos ANDNA. In ultra le protocollo previde le redundantia del base de datos pro render le protocollo resistente a eventual damnos e previde in plus le migration del base de datos in le caso que le topologia del rete se modifica. Le protocollo non previde le possibilitate de revocar un nomine symbolic, isto post un certe periodo de inactivitate (actualmente 3 dies) es simplemente delite del base de datos. Le protocollo, in plus, impedi a un singule computator de registrar un numero eccessive de nomines symbolic (al stato actual 256 nomines) a fin que le spammatores non memorisa un elevate numero de terminos de uso commun o effectua actiones de cybersquatting.
[modificar] Applicationes
Le scopo del rete netsukuku es le realisation de un infrastructura que, non basante se super usual infrastructuras internet, resulta plus economic e independente de illo pro consentir le accesso al rete equalmente al usatores qui non pote pagar pro subscriber se al ISPs. Le projectistas del rete pensa de realisar iste rete parallel basante se pesantemente super futur generationes de retes sin filos que, habente un campo de multe kilometros, permitterea le realisation de un diffuse rete netsukuku. In le phase initial, comocunque, le disveloppatores intende basar se super le actual infrastructuras internet pro testar le rete.
Un altere possibile uso del rete netsukuku serea le realisation de rete cellular sin le apporto del gerentes telephonic. Iste application parti del consideration que le algorithmos del rete netsukuku require reducte ressources e ergo illos pote facilemente esser exequite super actual telephonos mobile, mesmo si applicationes in iste senso es, pro le momento, solmente theoric.
[modificar] Voces correlate
- Laboratorio FreakNet
[modificar] Ligamines externe
- en WebSite oficial
- FreakNet MediaLab
- International Communication Union in le quadro del Summitate Mundial super le Societate del Information (CMSI) con le objecto de stimular projectos nove y associationes pro reducer le brecha digital, Netsukuku es considerate per le UIT un initiativa effective con respecto al infrastructura del information e del communication
