Homeopatie
From Wikipedia
Homeopatie, metode de tractament de maladies (quo ne es ja ínreversabil) u li malad prende medicamentes confectionat con quantitá infinitesimal de materie in liquid (aqua o alcohol) o sucre (lactose o glucose) submisset a procede rythmic (sucusser o triturar) durant li fábrication. Solmen part tre litt del quantitá initial (un decésim o un centésim o simplicmen li quantitá quo resta adheret al parete del botellette de fábrication) es usat por continuar li fábrication. E tal, de etappe in etappe, on ariva a dilutiones tre elevat. Por ti motive, li scientie modérn contesta li existentie de un efecte terapic real e atribue les al efecte placebo. Ma quam ti metode es usat desde du sécules e que li usatores es content, on deve se demandar si li science save ja efectiv tot o si on travive li repetition del processu modérn de Galileo. Por li coidealistes del homeopatie, "nor" scientie modérn ha lacunes grav e resta arrogante quam in li Mediepoca!
