Grudziądz

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Lambang Grudziądz	Lokasi Grudziądz

Katrangan cekak

Provinsi: provinsi Kuyawia-Pomerania

Jembar: 58,70 km²

Pedunung: 99.827 jiwa

Pelat nomor kendaran motor: CG

Alamat
balé kutha: ...
... Grudziądz

Situs wèb resmi:

Politik

Walikutha: Robert Malinowski

Grudziądz (Jerman Graudenz) iku sawijining kutha ing Polandia. Kutha iki nduwé pedunung 99.827 jiwa.

[sunting] Sajarah cekak

Salah siji gudhang gandum misuwur ing kutha iki

Grudziądz (mbiyèn diarani Graudenc) olèh hak kutha ing taun 1291, lan nggabung karo Konfedherasi Prusia ing taun 1440. Antara taun 1466 lan 1772, kutha iki dadi bagéyan saka Karaton Polandia minangka provinsi Prusia Karajan.

Nalika Palihan Negara Polandia ing 1772, kutha iki dicaplok déning Ratu Friedrich II saka Prusia. Ing taun sabanjuré kutha iki dadi bagéyan saka provinsi Prusia Kulon ing Karaton Prusia. Ing basa Jerman kutha iki diarani Graudenz. Ing taun 1871, Graudenz dadi bagéyan saka Kakaisaran Jerman.

Sawisé ana kreteg rèl sepur binangun nyabrang kali Wisla ing 1878, Graudenz dadi sawijinig kutha indhustri sing bisa cepet tumuwuh lan sawijining kutha swapraja (kutha otonom, basa Jerman Kreisstads) ing 1900. Nalika Pemilu Jerman in 1912, 21% saka swara kanggo para kandhidhat parté-parté Polandia, kamangka Partai Nasional Liberal Jerman olèh 53%.

Ing tanggal 23 Januari 1920, sawisé 150 taun dadi bagéyan saka Prusia, Graudenz dadi tlatah Républik Polandia manèh lan olèh jeneng ing basa Polandia: Grudziądz.

Nalika Perang Donya II, Grudziądz dibedhah déning tentara Nazi ing taun 1939 lan diwèhi jeneng Graudenz manèh. Ing taun 1945 kutha iki dibalèkaké marang Polandia lan para pedunungé sing keturunan Jerman utawa migunakaké basa Jerman diusir kabèh.