Karajan Jenggala

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Karajan Jenggala (1042 M nganti 1045 M), iki pecahan saka karajan Kahuripan sing dibagi loro dening prabu Airlangga taun 1042 Masehi utawa 963 Saka. Karajan Jenggala iki ngeliputi wilayah delta kali Brantas utawa ing sekitar kabupaten Sidoarjo saiki, dadi nguasai pelabuhan-pelabuhan uga ibukuthane ngewarisi ibukutha karajan Kahuripan.

Wilayah kakuasaan Jenggala uga ngeliputi wilayah Malang, Surabaya, Rembang lan Pasuruan utawa meh kabeh pesisir lor Jawa Wetan.

Sejatine Prabu Airlangga mecah karajan dadi 4 utawa 5 bageyan ning sing berkembang mung Jenggala karo Kediri (utawa Pangjalu/Panjalu), malah Jenggala akhire uga hilang merga nggabung karo Kediri. Ana pirang-pirang versi sing nyrita'ake penggabungan Jenggala karo Kediri iki, ana sing disebabke ana perkawinan politik antara raja Kediri karo putri Jenggala yaiku putri Kirana uga ana sing nyebut yen Jenggala kalah perang lawan karajan Kediri.

[sunting] Peninggalan

Radha angel nggole' peninggalan saka karajan Jenggala iki, ana candhi Prada ing dhusun Reno Pencil kabupaten Sidoarjo ning candhi iku dirusak pendhudhuk ing taun 1965 (peristiwa G 30 S/PKI).

Ing jaman mbiyen wektu tata pemerentahan ing kabupaten Sidoarjo tesih nganggo sistem lawas, kabupaten iki dibagi dadi pirang-pirang Kawedanan (setingkat karo Kecamatan saiki), yaiku antarane ana sing jenenge Kawedanan Jenggala, ning saiki wis dihapus.

Peninggalan liya yaiku kesenian wayang lan uga gamelan Jawa pesat perkembangane ing jaman karajan Jenggala iki, mulane yen nyrita'ake sajarah kesenian-kesenian Jawa iku mesthi kesebut jeneng-jeneng panguasa katurunan Airlangga iki. Raden Panji Asmarabangun, putra Lembu Amiluhur iku dianggep pencipta wayang wong malah dadi dhalang ing pagelaran wayang ing Kraton Jenggala. Nganti saiki urung ana kepastian apa tokoh Panji Asmarabangun iki pada karo tokoh Panji Rawisrengga sing nganggo gelar Sri Suryawisesa, raja Jenggala kaping loro, uga urung ana kepastian apa tokoh raden Panji Ino Kartapati (utawa kadhang disebut Raden Panji Kasatrian) sing ahli gamelan iku pada karo tokoh Panji Rawisrengga.

[sunting] Silsilah

Lembu Amiluhur
- Panji Rawisrengga lan nganggo gelar Sri Suryawisesa
  - Raden Kudalaleyan lan nganggo gelar Suryaamiluhur

Ing sumber liya disebut yen raja pertama karajan Janggala iku Jayanegara, lantes diganti dening putrane yaiku Wajadrawa, Wajadrawa lantes njodohake putine yaiku Putri Kirana karo Raja karajan Kadiri yaiku Kameswara. Perkawinan (politik) iki nyebabake Jenggala lebur ing Pangjalu lan tamat riwayate.

Artikel punika taksih tulisan rintisan (stub).

Sinten kémawon ingkang kagungan karsa mbenakaken, sumangga kémawon.

Karajan Kahuripan > Karajan Jenggala > gabung karo Karajan Pangjalu

Karajan ing Jawa
0-600 (Hindu-Buddha Mataram Kuna): Salakanagara \| Tarumanagara \| Galuh \| Sundha \| Kalingga \| Kanjuruhan 600-1500 (Hindu-Buddha): Mataram Kuna, Medang, Kahuripan, Janggala, Pangjalu, Singhasari, Majapahit, Pajajaran, Blambangan 1500-saiki (Islam): Demak, Pajang, Banten, Cirebon, Sumedang Larang, Mataram Enggal, Yogyakarta, Surakarta, Mangkunagaran, Pakualaman