Lambang Poznań
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Lambang kutha Poznań wujudé tembok kutha awarna putih sing dhuwuré ana telung menara. Ing sisih kiwa ana gambaré Santo Petrus sing nyekel kunci lan ing sisih tengen ana gambaré Santo Paulus sing nyekel pedhang. In gapura tembok ana kunci emas loro sing nyilang lan dhuwuré ana salibé. Ing menara tengah sing ana cendhélané lan ana bèntèngé, ana gambaré tamèng sing isiné elang putih nganggo makutha. Latar tamèng wernané abang. Ing sisih gambar wong suci loro iki ana wulan lintang emas. Kabèh unsur-unsur iki ana ing latar awerna biru. Ing dhuwuré tamèng ana makutha emas.
[sunting] Sajarah
Lambang kutha Poznań dienggo kapisan ing sawijining layang resmi atanggal 1 Mei 1344. Lambang iki wis amot kabèh élemèn modhèrn kajaba makutha sadhuwuring tamèng. Ing sadawaning sajarah pirang-pirang vèrsi lambang tau dienggo, biyasané luwih sederhana. Ing taun 1440, Ratu Vladislaus III saka Varna maringi Poznań hak kanggo ngecap layang-layang wigati mawa cap karaton awerna abang.
[sunting] Simbulisme
- tembok kutha - simbul kutha
- Santo Petrus lan Santo Paulus – santo pangreksa katedral Poznan lankutha Poznan. Kauskupan Poznan iku sing lawas dhéwé ing Polandia, mulané nduwé hak kanggo nganggo santo pangreksa sing padha karo Vatikan
- tamèng isi elang putih – Lambang Przemysl II, Raja Polandia
- kunci – kaswatantran (otonomi) kutha
- salib - agama Kristen
- wulan lintang – agama Islam (?)
- makutha sadhuwuring tamèng – fungsi Poznań kayadéné ibukutha
