Mangkunagara IV
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
| K.G.P.A.A. Mangkunagara IV | ||
|---|---|---|
 Raja Mangkunegaran. |
||
| Miyos | Surakarta, 1810 | |
| Séda | Surakarta, 1872 | |
| Jabatan |
|
|
Sri Paduka K.G.P.A.A. Mangkunagara IV punika miyos ing taun 1810 saha kaparingan asma RM Sudira. Ingkang Rama asma KPH Hadiwijaya déné ingkang ibu putri KGPAA Mangkunagara II. Dados menawi katingal saking garis pancer putri, RM Sudira punika wayahipun KGPAA Mangkunagara II.
Wiwit taksih timur RM Sudira sampun katingal kapinteran saha keprigelanipun . Rikala dumugi yuswa 14 taun mlebet dados kadèt ing Légiun Mangkunagaran.Wekdal semanten ingkang Jumeneng Ing Pura Mangkunagaran Surakarta inggih punika KGPAA Mangkunagara III, ingkang kaleres nak-derekipun RM Sudira, jalaran sami sami wayahipun KGPAA Mangkunagara II.
Sareng kaangkat dados Pangeran salin asma dados KPH Gandakusuma, krama kaliyan R Ay. Semi, kagungan putra 14 lajeng séda. Mboten antawis lami KGPAA Mangkunagara III seda ing taun 1839, lan kagentosan dening KPH Gandakusuma ingkang jumeneng dados KGPAA Mangkunagara IV.antawis sataun jumeneng keprabon lajeng daup kaliyan R Ay. Dunuk putri dalem Mangkunagara III.
Sadangunipun ngantos keprabon panjenenganipun MN IV yasa pabrik Gendis ing Calamadu lan Tasikmadu, mrakarsani ngadegipun stasiun Balapan saha rèl sepur Sala – Semarang, lan sasanèsipun. Panjenenganipun nyerat buku ngantos kirang langkung 42, antawisipun Serat Wedhatama. MN IV séda taun 1872 lan kasarèkaken ing Astana Giri Layu.
