Nyamuk
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Nyamuk iku akeh arane ing tanah Jawa. Ana sing ngarani jingklong, lan ana sing ngarani lamuk. Nyamuk kalebu cacahing serangga, utawa Dipteria. Jenis-jenising nyamuk sing wis dikenal manungsa yaiku :
- Anopheles
- Culex
- Aedes
- Psorophora
- Ochlerotatus lan sapanunggale.
Cacah jenising nyamuk sejatine ana 2700, saka 35 generane, lan nyamuk wis ana ing dunya kira-kira 170 yuta taun. Ing Indonesia, lan tanah Jawa, sing diweruhi ana 3 rupa, yaiku Anopheles utawa Nyamuk Malaria, Culex utawa Nyamuk biasa, lan Aedes utawa nyamuk demam berdarah. Ciri-cirine nyamuk yaiku : ndhuwe suwiwi sing arupa jaring, awake cilik menik-menik, lan dhawane akeh-akehane 15 milimeter utawa luwih. Abote nyamuk iku kira-kira 2 nganti 2,5 miligram lan isa mabur 1,5 nganti 2,5 km/ jam.
Sing nyesep getih iku mung nyamuk babon, yen nyamuk lanang ora nyesep getih, nanging nyesep sari tetandhuran utawa uwah-uwahan. Nyamuk babon ndhuweni moncong dhawa sing diarani proboscis kanggo norehake kulit kurbane lan nyesep getihe. Isa kewan-kewan mamalia, utawa kewan melata, lan manuk uga manungsa. Nyamuk babon nyesep gethih iku kanggo kalangsunganing urip endhoge. Yen ing pakanan biasane, kaya sari uwah utawa tetandhuran ora ana protein sing dibutuhke kanggo endhog, dhadi nyamuk babon kudu nyesep gethih kanggo neruske silsilahe.
Akeh-akehane nyamuk babon pada nyesep gethih, nanging ana salah siji jenis sing ndilalah ora nyesep gethih blas. Yaiku nyamuk jenising Toxorynchites.
Nyamuk biasane urip namung rong minggu utawa kurang yen hawane cocok. Mila saka anakan nganti dhadi nyamuk. Biasane nyamuk ndheleh endhoge ing panggonan-panggonan sing banyune ora ngalir, kayata got, bak mandi, sendhang, alas bako, utawa panggonan banyu liyane. Nyamuk aedes biasane malah ndokok endhoge ana ing banyu sing resik tur bening nanging ora ngalir.
Nyamuk akeh nularke rupa-rupa penyakit kaya : Malaria, Tapak Gajah utawa Demam Berdarah. Pramila iku akeh cara digawe kanggo ngilangake nyamuk saka panguripaning manungsa, nganggo obat nyamuk, utawa ngresiki saindhenging papan panggonan dhewe-dhewe.
Obat nyamuk ya ana maceme, sing diobong, disemprotake utawa nganggo listerik. Lan bahan aktif sing digawe kanggo ngracik obat nyamuk iku kayata : DEET, lenga ekaliptus, lenga piretrum, sitronela lan sapanunggale.
- Balik ing : Sato Kewan
